براكين الشوق

«7»

#

ينبوع_الحنان٧

لا يا ولدي تدري الوكت هدني
انه تعبت ردتك تساعدني

مو تالي شيبي يولدي تذبني

ربيتك و تعبي تعذبني..

و هذا جزات الوفى نكران..
و هذا جزات رباي نكران...

لا يا ولدي تدريني ربيت
ردتك شمع تضوي بالبيت..

من انحنى ضهري تبريت..
و من ثكل همي الحمل ذبني...

جنت اني اضن بعيونك تضمني
لو شفتك اني الكبر ميهمني.
راح الشباب شظل بعد يبني
من كثر الحمل الهم ذبني

هذا جزات الوفى نكران..

ــــــــــــــــــــــــــــــــــــــــــ

♡سولاف

اتفاجأت شلون ضربني واني الكلفت نفسي بمبادرة سلام و صلح و اعلان صداقة بريئة

دفعته عني واني اصيح عليه بالعبرية

: ما اسمحلك. تمد ايدك علي انت مخبل و سادي...

رجعت عدت الكلام بالعربي هم...
فجاوبني : ولج بيرة.. اني تجيبيلي بيرة انت تردين واحد يونسج ترى جاية للعنوان الغلط..

ما بجيت ظليت واكفه بكل ثقة شلون ادب سز يعنفني كون ببلدي اتصل برقم شرطة الاسرة و يجون يسحلوه اكلهم حبيبي اعتدى علي بالضرب الا اغرمه غرامة ويدخلوه جلسات تأهيل اسري وي باحث اجتماعي او طبيب نفسي.

: انت... واحد ما تفتهم بالمجاملة بدل ما تشكرني تجي تضربني... لو كنت ببلدي اسحلك بالمراكز و الا اخليك اشهر تحت المراقبة والتأهيل الاسري

شمر ايده بمعنى دروحي.. و كال

: شوف هاي شتحجي بابا جايبتلي بيرة يعني عرك يعني منكر

يا شوف هذا ما يعرف بالمشروب

: حبيبي العرك هو النبيذ الابيض واكو احمر
يعني مو نفس البيرة العرك او نبيذ كحول و البيرة تنقيع طبيعي.. اكو تفاح اكو شعير،وبيها فوائد.. و هي مشروب خفيف للي بعمري و عمرك...

هز ايده يحاجي،روحه

: بلة شكلها...هاي. يمعودة تعبتيني روحي و عوفيني بحالي مشي عليج ابو فاضل العباس تتركيني وداعه داحي باب خيبر عوفيني...

سولاف : اصلا صوجي فكرت نكعد نسولف و نحتفل صرنا اصدقاء

ردني بشراسة : يمتى اني وافقت على صداقه وياج اطردج ترجعيلي بكل ثقة عبالك جنت ادلع بيج مو اشحتج..

اني واحد خاطب المن لازكتلي... روحي لبيتكم يلة لا تصير جبيرة

:زين جبت وياي العربي والاسلامية كصديق بلكت تدرسنيى