براكين الشوق

الجزأ ثاني 9.

.

#ج2براكين_الشوق9
المجنون و البدوية

غيرت تسلسل حتى تميزون كل جزأ اله بطلته.. فلا تجلبولي بجزا اول

موضوع الرتب اني متعمدة اكول ضابط وبس مبين رتبته لان زوجته كالت نقيب شلون نقيب وصارلة سنتين من تخرج
الا اذا اكو توزيع رتب ع الانجازات وهو عندة انجازات خلال سنتين..
مكتبت الرتبة لان حسبت المفروض هو لو ملازم اول لو ثاني..  و كتلكم ممتاكدة ممكن انتماءاته تنطيه رتبة هيج؟

فضلت اسميه ضابط وهاي هي
اي تجاوز يمسني بصورة شخصية احضر و امس حضرت اربعه لذا خلو نقدكم ع احداث قصة وبلا تحليلات الكاتبة تعمدت او متعترف تكول غلطانة و الله يا الله

ـــــــــــــــــــــــــــــــــــــــــــ
من شفت نظرة السيد الي عرفت كلبته ضدي..

: سيد من زوجتوني ردتم مرة تداريني
مدا تأدي واجباتها الزوجية .. ملابسي وسخة و جوازي تشكك تعلم بالجهال  ما يحترمون غراضي حتى مكينه الحلاقة تكسرت..

لزمني من ياقة التشيرت و كال

: شمسوي يا رضا..

ولدي فكوه مني و مسار كله
: حجي لا تعصب..  تعال الوادم راحوا بقوا بس اهلنا تعال حجي هناك نتفاهم..

راح كدامي وهو يكول: اتبعني لو ما ببيتك عرفت شغلي وياك. وسفة ربيناك وي ولدنا هيج طلع منك..

غمضت عيوني وكتله: حقك تعيرني سيد لو ابوي بيه خير ما تيهني والتهى بحسين قدس الله سره.

رجع التفت علي و بخطوات غاضبة رجعلي.. و بيده البيها محبس كفخ حلكي.. الي شفتي صبت دم..
و الله جا كسر سنوني

: لسانك يا رضا مجان هيج اذا وسخته بسوالف السوك و درابينه و الله ثم الله لكصة الك واعلكه بركبتك  حتى كبل لا تحجي تثمن كلامك يا طايح الحظ..

باوعت لولدي ضايجين علي ادري ولدي كولشي ميقبلون احد يحجي علي او يهيني..  او ياذيني.. لذا رغم ظاهريا تقبلوا منال بس داخلهم   غير .

و هسة احسهم خذوا موقف من السيد.. 
من شفت عيونهم تباوعله بغيض و انمار خلا ثلج على حلكي

السيد: استغفر الله يا رب ابني ورى ميسعفوك تعال نسولف اعتبرني صديق لتباوع لعمري و تكول هذا شايب بطران.
التجارب المريت بيها تفيدك..  
يلة ابني الله يهديك..

عباس: مولانا شبقيتله زين ما كسرت سنونه ترى ابوي ما ارتاح بحياته لا انتم و الزمن تصيرون ضده..

السيد: اسكت ابني بكد الفصمة و تتمنطق براسي اسكت ترى لسة بحيلي و الحمد لله هذا من فضله انعم علينا نحمده و نشكره.
فلا تخربط  بالحجي  لا تلحك ابوك افلش حلكك.. وراه...  شبيه ابوك شو جنه العافية انتم من تتشكوله تنطوه مجال يخربط..