براكين الشوق

66

#براكين_الشوق ٦٦
«بين الطيف و الواقع...»
ماكو صوتك عني غاب.  .

لا منرجع لا لا منرجع لا
لا بعد اشتاكلك ولا بعد يشتاكلي

انتهت قصة هوانا انتهى الحب القوي

لا بعد يحجي علي ولا بعد يكول الوي ايديه .
عيب يحجي هل كلام..

باعني الله يوفقة لا منرجع لا...

لا بعد كولشي خلص طلع ما عندة وفى

قبل  ما احتاج حبه ضيع الحب واختفى
خل بس، يلزم لسانه لا يجرحني عاد

روحوا كولوله نسيته كلبي من همة اكتفى
ذكرياته بكلبي ظلت لحد موتي ما تروح
تاج جان وفوك راسي و جابلي بس الجروح

لا ما نرجع لا. 

ــــــــــــــــــــــــــــــــــــــــــــــــ
رضا

وكفت مبتسم. واني اشوف جليل جايب رعد بكرسيه لمكتبي.

اعرف لشنو جابه خاصة بعد ما خليت جليل شيكله..

شفت القلق بعيون رعد وهو يباوعلي و بعينه تسائل اعرف خايف على جنه مني.

خاصة خليت جليل يكولة الاتفقنا عليه..

حتى مرخص بنتي وهو من كيفة يطلبها.

بعد ما فشلت بحبي و حياتي الضاع نصها انتظر ومن نلتها ماكو تفاهم.. ولا سعادة..

قررت ما اخلي بنتي نفس مصيري الحرمان من الي تريده وكل ممنوع مرغوب جاىز تتمرد علي. ...

و مستحيل اخليها تسوي سواية منال الي غيرت اقدارنا بسوء اختيارها.. بحسين مريد اغلاطي واغلاط منال تتكرر من جديد..

لذا نسيت اني اب شرقي.. و مشيت بمبدأ اخطب لبنتك.. و جان الاتفاق وي جليل.. صديقي...

: شلونك عمي.

كالها بانحراج و دنك من خزرته ابينله شلون يستغفلنا ويروح يتواصل وي بنتي من ورانا

ظل مدنك لحظات و جليل كل شوي كله خايب اطلبها وفضها شنو هي معجزه..

: عمي لا تاذي جنه سمعت حتسفرها للعراق و تظلمها وتزوجها..
عمي لتنطيها اني طالبها منك اذا تقبلون بية وبوضعي ادللها وملكة اسويها بعرش، مملكة بيتي.

بعت ثكل: مرضك يتعالج بس،.. و الانسان ميتعيب لا بشكلة ولا مرضه مدام مبيه اضرار عام للطرف الثاتي...
بس خل اكولها الك من الاخير شلون بمرض الاخلاق؟

شلون تسوي سوايتك ما فكرت يا رعد بصحبانك ولدي وولد اخوي شرفهم هذا؟
تقبل احد يتصل بأختك و يلعب بعقلها؟

: يشهد الله ما تجاوزت ولا قللت ادب وشرفكم محفوظ واصلتها حتى اتاكد من موافقتها.. ما انكر جنت اراسلها بس نيتي بالحلال و جنت ناوي وبلغت اهلي بالموضوع بس الصار بطريق رجعتي استهدفوا اغتيالي. ...