براكين الشوق

الجزأ الثاني «١١»

غير مسؤولة عن ما في البارت من امور و و معتقدات تتبع الشخصية لا الكاتب بالحاشية اتفصل الملاحظة

:الجزأ الثاني« ١١»

#براكين_الشوق

. البدوية و المجنون....
نور البصري
تدقيق سمر..
ـ،،،،،،،،،

شايف من يجن كلهن
ولازم كون تحملهن.
لا بيك التأجلهن
ولا بيك التخلصهن..
ـــــــــــــــــــــــــــــــــ

احجي وين دفنتنه...
بيا قبر.. حتى نفسده

: مو بقبر جان  بــــــــ جفن رياد..  ما اعرف شلون كدرت تخليه بعد مجفنوه و دخلوا وداعه.. 
ضمته داخل الجفن..  من يندفن  يبدي السحر يتفعل الي صار بس منال انظرت وايات توفت...
بشة ملاحها شي...
وعد تزوجت احمد هذا خلاها تتخبل اكثر.. و هنا تبين  مشاعرها لوعد مترغب الها

: جانت ميته على وعد تتوسل بمنال تنطيها رغم ردناها لأنمار

: اي هذا صح..  بس من سافرت ايات استجد اختها تريد احمد لبتها هيفاء...
و قنعتها تكنسل وعد...  بدت بالتدريج حتى متحسون بيها...

تنطي لمنال و وعد مي خرز.. 
كلنا جان داخلنا غيرة من بنت جياد..  جانت دوم قوية و عنيدة وتفر الزلم... حسين يهابها وانت تتمنى ترابها..

ضحكت: لاحكات المرة على ضيمها وين حظها كليلي ورجلها شبعها فقر وجوع و غير الخيانات.  
لو استخسرتن من صارت الي ودللتها ردت اعوضها اسافر اخذها وياي دبي.  .

وحتى للبلد الي رحتله بالاخير ردتها تجي بس مقبلت هسة يطلع من ورى سحورتجن ضيعتن مني منال..

شلون كلبجن طاوعجن تخلن بجفن رياد ولجن  الله اكبر عليجن...

ضربتها: كملي...  منال وموتنها كلتي جددتن السحر..

: و هم جددناه هاي المرة لبشاير مخصوص و دننتظر  مفعوله مدفون الجديد وي منال...

وسعت عيوني الله يرضاها عايشة ومتركنها موتنها سحر وميته ولحكنها...

: شلون؟ 
: بالدفن ام احمد كالتلهم اروح وياكم خاف تنزف من خشمها يفسد التغسيل لان غسلوها هم بالبصرة و كفنوها هناك....

هي بقت يم التابوت من علي وكع بس وصلوا المقبرة و شاف قبر امه محفور متحمل وكع و التهوا بيه
وهي شوف شلون ضمت بالجفن السحر...

انهاريت ظليت اضربها كل بوكسي ولا الثاني

: حقيراااااات ميتة وما سلمت منكم حقيرات...

على صياحي الباب يندك طلعت واني منهار

: هاي تحبسوها مريد المح ظلها..  لمن اشوفلها صرفه...

جانوا متفاجئين بلي صار. و اني ارجف ممستوعب هم اكو هيج بشر ينساق الى الشر وميحسب احساب اخرته...