براكين الشوق

«١٥»

#ينبوع_الحنان١٥
بهيدة حچ وياي لا تحجي بزماط
مشيب انه و جان  يدك  بالكماط
يدريها غبرة الروح ما تكدر  تنام
عاندها حتى الميل  يفتر عكس كام

ــــــــــــــــــــــــــــــــــــــــــ نبدأ

♡غيث

: اي بلة و شسوى؟
: اخوك هو « الحنين » الي شهد ضد ابوية...
بحادثة اغتصاب« بنين») اسم مستعار)
انقتل بالتوقيف فبل محاكمته. 

عشت يتيم سبب اخوك.  و حلفت الا اخذ حيفي،منه بعرضة او بيك.  انت متورط ويانة اذا اخوك عرف   شتتوقع رد فعله.

انتفضت.   : شنو تهددني؟ معندك دليل علي.

: غيث تجي  نتفاهم.. فلوسي ترجعها..  صدك براء بضيافتنا تعال اخذها اذا تريدها سالمة..

سده واني توترت تركت المكان رحت للكراج و رجعت للنجف...

اتصلت بيه : وين نلتقي  نتفاهم. 

ضحك وانطاني عنوان اروحله. 

السيارة سوت الطريق علي اربع ساعات ازدحام وتفتيش

بس وصلت  اخذت تكسي كبل للعنوان بالي قلق على براء..

خفت لا صدك يمهم و ظليت محتار اروح بيتهم
خاف صدك خاطفها النذل و ملحك عليها الافضل اروحله...

دكيت الباب اتلفت..

فتح الباب تلفت وجرني

: فوت..

: وين براء؟

: تحبها؟... ههههه...هذا بيت اهلي تتوقع اجيبها يم امي؟

و الله رحت بيت ام رند قرايبي جانت تمسح الارضية ايباااه عليها فد قوام يكتل..

لزمته من خناكه : اتركها بحالها بنية يتيمة فقيرة.. شوف بس اندك بية والي يخصني ثق يا خالد ازوعك دم و ابلغ عليكم..

وخر ايدي نفضها : اش... امي نايمة مكدر هسة نحجي نلتقي باجر و جيب فوارق الفلوس القفصتهن....
حسيته يخاف مني مضامن سكوتي بس يظاهر بالقوة..

دفعته و طلعت : خالد اذا براء تقربتولها عندي عليكم لزمات توديكم مؤبد واني اصير شاهد..
يعني تسقط التهم عني..

مليون طريقة اوكعك بيها زين لو مو زين و علي دربالك تتحارش بيه.. و من هاي اللحظة اني وياكم انفكاك ما اشتغللكم بعد.. راح اسكت بس الثمن مرتي متندك بيها.. ثق اسوي بيك سواية مصايرة...

شفته ارتبك : تزوجتها؟
: تخصني يا خالد بنية يتيمة و عقدت عليها وهي بحمايتي تمام وراح ابلغ ابو روز يدورلة مروج غيري.

خليت و طلعت واني انتظر باص فلوسي اغلبهن كضن 

خالد يخاف مني معندة لزمة علي واني عندي لزمة عليهم اذا ما احمي براء تضيع..