براكين الشوق

39

s
#براكين_الشوق39
الحب الأوحد..
بقلم نور البصري
تدقيق سمر

اغنية المقدمة
اغلبهم رضا مغنيهم قسم ادرجهم بالسرد قسم كمقدمة
ــــــــــــــــــــــــــــ
بعد اليوم تبدي يا زمن
قصتي وي احزاني
بعد اليوم
ما من حقي...
اجيب اسمك على لساني
زماني وياك ما كمل
فرحتي بيك يا حيف.
قدر مكتوب انساك
قدر مكتوب تنساني..
بعد اليوم احن المن
عليمن افرح و احزن
خلص كولشي انتهى وياك
سنين الباقية شيسون ..
جنت اكرب علي مني
صرت بعد السما عني..
بعدك يا ولا روحي
اغني ومن يسمعني.

ــــــــــــــــــــــــــــــــ
النجف الاشرف...
سنة 1992

بعد ايام مرت على زواج منال من حسين
ايام مرت و رضا بهاي الايام كضاها يبسمر،

رضا..

القهر الي،بكلبي جبير خيانه من عضيد وحبيب صعب اسامح
صرت لا اكدر اباوعلها بعين حبيب و لا اكدر اباوعلها بعين اخت
مبقى الا اطفش من النجف و استقر

الم بملابسي واني بعد يومين اسافر بس اجهز اموري.. لميت كل اشيائي..
اني شخص نوى الرحيل الاستقرار هناك بالبصرة..

الباب مفتوح هي تنظف و عيونها عليه  نظرة حقد ونظرة غرور. 

غنيت اغنية مغرورة ركزت على  مقطع

صايغ تراجيها ذهب (تعجب) من خدها الوردي
كايل الذهب عند السمر و الذهب  مو عندي
وحدتهن بوسط الشذر  بلورة

بنرفزة مدت ايديها لتراجيها الطالعة من الفوطة الي قبل بالبيت يلبسنه مثل سكارف

ماكو التزام ديني قبل بالحجاب عود تغطي شعرها هاي هي...

نزعت التراجي شمرتهن علي ذن تراجيها صياغتي،

ضحكت و رجعت بتحدي ابسمر،

ادري بكلبي و ادري بكلبه
ادري يحبني كد ما احبه

لكن مدري شجاك و جاني
تغيرت انت تغيرت اني

لزمتني امي يومها وطلبت خلاص انسى مو الي و حرام حتى مجرد نظرة الها
لذا مكان كدامي الا رحيل
بس الاخرني مشكلة وكعت بيها منال
ورى هذا اليوم
جنت  اسمع بالراديو بغرفتي المنعزلة عن مرتي
نصيت الراديو على بجي و صراخ منال و حلفان ممسوية شي
طلعت لكيت حسين ساحل منال بالهول مخلي مسدس براسها و بيدة ورقة
و ايده ترجف
: شنو علاقتج بابو رجب.. الكهوجي..

تهمة شرف صريحة واعرف منال مستحيل تخون
رحت لحسين الي رفع ايدة الثانية الخالية من السلاح  يريد يضربها لزمت ايده
و بيدي الثانية خذيت المسدس من ايدة الثانية الي  بصفه..