براكين الشوق

42

براكين_الشوق 42
الحب الأوحد..
جاي انزل بس،بارت ب العشرة بس كلت اكتبلهم بارتين دمج بارت اصلي
بارت تعويضي
تفاعلوا صعدوا القصة
تعليقات فقرات مهمة تصويت و شكرا على صبركم على تاخري و اسفة مجددا تاخرت هذا الاسبوع لضروف قاهرة جدا..

ــــــــــــــــــــــــــــــــ

الايام الي مرت ورى وفاة ابوي تعلمت درس
اهمية الأب بالأسرة حتى لو كان اب ظالم الي

رغم كل هذا بقى بداخلي.   الم ووجع. فقده بس بداخلي بقيت اعتب بوية ليش دمرتني ليش حرمتني و ظنيت بيه السوء .
يمكن تباريت الذمة وياه واني قبلت اعتذاره بس بقى داخلي مكدرت اسامح اب مشى ورى عواطفه حبه لأبنه من زوجته الأولى الي حبها اكثر من امي.
امي الي بوكعتها هاي اكتشفت تعشقه مو بس تحبه.

يمكن مكتوب علينا نعشك الي ما يريدنه.

ايام الفاتحة و امي بقت  بالمستشفى..
ساعة على ساعة وحالتها من سيء لأسوء
عرفت اني بصدد حودع ام.. مثل مودعت اب

عمق الخسارات تخسر امك....

امي  راعية البيت ماكو وتستقبل الي تجي تعزي.. بموت ابوي..

حاولت اكابر مبين انهياري حاولت اصير قوي
و اضم حزني داخلي
طول عمري حزني داخلي...و خايف لا يوم من الايام.. ينفجر بركاني المكتوم....  و اصرخ صرخة الم...

العزاء  بيد جمايل الي اخذت دور راعية البيت مكان امي.

باجر السبعة مال ابوي (اليوم الثالث يسموه سبعه يعني يقدم سبع انواع من الطعام كثواب )

من يوم مات ابوي منايم كولش..

اسمع حسين الي يلوم نفسه.. غرفتي لزك بغرفتهم

شكد خبثت عليهم من اتواجد بالنجف و اظل اسوي ضوضاء
و يطلع حسين يسمعني حجي لو يجي يتعارك..

اليوم مهدود حيلي انتجيت عالحايط اسمع حسين و منال يوصلي تمتمات ممفهومة

واحيانا حسين صوته يعلى يكول كلة مني

لو يكلها ماكو شي ينحجي.

ابتسمت بقهر  يمتى يا حسين تصير رجال و تعترف.  عبالك مكدر اواجهك بس ادري انت الملاك عدها واني شيطان مصدكني..

عساك بحظك وبختك فرفحة كلبي عليها..  و خسارتي ابوي وامي الي بالحياة و الموت.

ظليت احوم افتر.. و صوت الناس الي نايمة بالديوانية..(غرفة خطار.)

سوالف  وصووت فضل يمهم...

رجعت كعدت شوي سمعت صوت حسين برى
راح للاستقبال الظاهر يم الناس

اني غلست.  ناس تريد تسولف بيا حال احنا

تمددت بلكت انام بس جافاني النوم