براكين الشوق

28

#براكين_الشوق28
رضا ومنال جانب من الرواية و مو اساس
يعني رواياتي متعددة الابطال و متنوعه النهايات

لأن ما اريد ازعلك ما حجيت وياك
مطرت الصبر واطفيت نيراني.

انه ما طاوعت غيضي و لا رفعت الصوت

تيهني الزعل و العقل دلاني.

الم جرحي واشوفك تلجم المجروح
و بحجة النطارة تبوك بستاني

انه مبين و ذاك وينه الزين
حتى الما يشوف يشوف تيتاني
من تكضي الشمس و يجيها و كت  الليل
تطلع من سماها و تدك بيباني.

ما رد المثل لا و الله
من ازهك اخلاقي تجتف لساني .  

    ــــــــــــــــــــــــــــــــــــــــ نبدأ...

منال..

باوعتلة بوسع عيني...

: ابوي مو ميت كلي مو ميت...

غمض عينه و همس
: صيحي صالح... منال راح خالي راح

صرخت و اني امشع بشعري...

:  موتت ابوي يا رضا... ساعة سودة عرفتك.. ساعة سودة عشكتك كتلك انت  تزوجت اتركني ابوي راح كول جذب كول ما مات..

مديت روحي بطول وي ابوي حاضنته

و هنا هو راح يبلغ صالح يا برودك رضا..يا برودك جاي شارب و تريد تعتدي علي صدمت ابوي. 

اهز ببوي : اكعد يبه اكعد.. يبة اسمعني واكعدلي يبة انة منول بنتك يبة..

ية شيخ جياد اكعد اني بنيتك شيخة البنات. 
يبة لا تتركني لسة زغيرة اتيتم للمرة ثالثة..

جنت كل شهكة تطلع مني تصرخ كرهتك رضا كرهتك كد ما عشكتك.  
ضيعتني و ضيعت ابوي.. مني.   بعشكك انت ما رضيت بالقسمة و النصيب مو نصيبك و تحديت و النتيجة ابوي الراح بيها...

اذيتني رضا و صعب اسامحك.  هنا كل ما اشوفك اذكر هذا اليوم لو شما تمر السنين.

شوي و صالح ورضا ووراهم نورية مرت اخوي..

:  شبيه ابوي..

يمكن الموقف و خوف صالح ما نبه ريحة رضا مبينه انقاسة شنو شارب.

الزم بيد ابوي وهم شايليه

ايد ابوي المتهدلة بلا حياه امشي بصفهم لسيارة....

ردت اركب جرتني نورية

: وخري هيج شفهمج الزلمة ميت وغادي..

دفعته :جذابة  راس ابوي سالم..

اثر صدمه مرسومه بوجه ابوي. 

و ملامح غدت جامدة.. و السبب اني و هو...
السبب عشك عشكته و ما اقتنع  رضا ان  القدر مخلاني نصيبه