براكين الشوق

٣٠

#براكين_الشوق30

علي...

تركت غيث و اني اباوعله

: لو ماتت امي يا غيث شيفكك مني

طلعت بساع ولحكني غيث وصعد وياي

رحنا للمستشفى امي بالعناية فايتتها جلطة

و منكينها ابر تخفف الدم و مغذيات.

عمي يحاجي الدكاترة و يطلع هويته

و ذول بساع ينصاعون لكلامه

استغربت الوضعية..

اكيد عمي معارفة هواي بس اني مو بحالة اني بحال امي

غيث كاعد بالممر و يبجي

مبين بعيونه خوف..

..

بقت امي يومين بالمستشفى و طلعناها

اني خلالهن تعمدت ابقى حتى انام بحديقة المستشفى حتى ما ارجع للبيت واعلك سولاف بالبنكه

بس اول تالي نتلاكة وهذا صار

بعد ما تركت وعد تهم بأمي بغرفتها

رحت لسولاف الي بس شافتني هربت...

لزمتها لزكتها بالحايط..
و لزمتها من خناكها

: تكبسلين ولج.   اتشاهدي

ظلت ترجف خوف وهي تتوسل

: مو بيدي غصب علي ما ادمنه ارادتي

: غيث الي جنت تنطيه فلوس ابوج الكلتي ضاعن مو!
كذبتي يا سولاف

لزمت راسها ضربته بالحايط صرخت

مدت روز راسها تضحك

روز : تاليتك وي المكبسلات احمدك ربي حوبتي.. بينت بيه وكع بشر اعماله و طلعت مرته كبسلة

تركت سولاف و بكل قوتي انطيت روز بوكسي عاطت حيل و رجعت ورى مصدومه برد فعلي

اما سولاف ظلت تطكطك سنونها منالخوف

درت واجت عيني على ملابسها بللت روحها من الخوف مني لأن وضعي جان مو طبيعي
يا قاتل يا مقتول...

بس من شفت حالتها

درت وجهي  و جريت نفس استغفر الله

: زين روحي سبحي لا يطلع رياد او وعد او هاي روز تنتبه لحالتج
ترى من فترة لاحظت عندج تدرر لا ارادي بس ساكت
عبالي شغلة ضعف و مردت احرجج

بس الظاهر رخاوة عندج بسبب المخدر

خجبت و شردت للحمام و هي تنحب..

.
.
.
بس طلعت حبستها بالسرداب واني افكر بحل...

و

جانت ايام مرض امي هاي انذار النا