براكين الشوق

٣٦

#براكين_الشوق٣٥

يمذبل جفونك خجل
يالشفتك مرطوبة
عمي على كيفك يا حلو
ياسمر يبو خد وخد..
حلو يراوغ حبيبي حلو لعبة
راوغني ولعب بالروح لعبة
لول اهل الهوى يسون لعبة
لعوف الهدف بس يهجم علية

ــــــــــــــــــــــــــــــــــــــــــــــــــــــــــــــ
رضا...

تقدم علي ناحيتي هداد...

: عمي اني لحد الأن محترم شيباتك... امي خط احمر من جنت تحجي بعشكك كدامي يم ربعك. اني بينت امي مو الك النا.. بس ماجزت لمن اخذتها بالحيلة

رضا : هي الها مشاعرها ليش تكسرون بخاطرها علي تعبنا يا عمي كافي دخيل الله تعبنا خلونا بلي بقالنا خلونا نعيش.

بس علي جر امه من ايدها التفتت منال جهتي بعيونها دموع الحسرة.. وتردد

غمضت عيني و جريت نفس.. هااا تعوفيني هم.. شنو حجتج ولدج..

رضا : طلاق ما اطلق.... و طلعة وياك شرعا ممنوع دون موافقتي؟ لو محاجيني بأدب واني اولا عمك ثانيا زوج امك يمكن اكلك اخذها وياك..

لو رياد ما مقلل كرامه امه اتقبل تروح فترة يمكم بس مدام طرد امه من بيت ابوه

و الله يا منال روحة وياهم ما ترحين اذا ما اخليهم يجون يتوسلون بيج اني كرامة مرتي من كرامتي يلة بابا علي توكل تريد تبقى هلا بيك بيتك بس تبقى بأدب والا روح

شفت انمار بروحة غير هين.. اني الك

باوع علي لأمه الي لزمت عبايتها

: علي يمة اجي وياك..

بس صوت رياد الي الظاهر.. جان ينتظر برى و يستمع يم الباب...

دخل و جر علي

: امشي.. انت تضيع و قتك يا علي امي الي نعرفها ذيج الما ذبت عصابتها على ابوي...

هنا منال انتفضت

: ابوكم كسرني كسر شي حلو داخلي.. زين كم مرة تكولي يا رياد وافقي على عمي شو هسة انت ضدي..

رياد...: لأن...
سكت و دنك و رجع كللها

: تعيرنا يمه و اولهم هذا ابن عمي عيرني.. بيج.... ترضيها يكولي امك بواكة زلم هجامة بيوت هجمت حياة امي...
يلة علي... تزوجت بعد شننتظر هسة طشت بالمنطقة عبالك عمتي تسكت وهذا خلاها بلسان عمتي...

طلعوا و هنا تناوشت انمار

: شو تعال اكولك...

اخذته دفر و جلاليق للغرفة ونزلت بيه نزلة ورمته تورم.
: كلب حقير الوحيد شايل خباثة وحقارة امك... الي لعبتها و تزوجتني اني ما خنت احد ولا منال هجمت بيت امك ولا باكتني من امك والعكس صحيح.. اصحى انمار اصحى بابا..