براكين الشوق

43

اغلب البارت حدث واحد و نهايتة انتقلنا لحدث ثاني
اعتذر على خربطة بالاحداث ان وجدت ملحك اراجع البارت امس نازل بس نسيت اني ذاكرة موضوع علي قبل لا ارجع ماضي لو لا وخفت من لا اكرر مشاهد ذاكرتها ببارت سابق..
وقت ممتع
#براكين_الشوق٤٣
الحب♡الأوحد

عيناك و نصب الحرية
لا فرق بينهما
فكلاهما سلاح ثوريًا خالي من الرصاص....

#منقول
ـــــــــــــــــــالحاضر:ــــــــــ

" بشة""

دك نقالي.  باوعت اهووو هذا  ثور منال...

انطيته غلق. 

و طلعت من الممر الي انتظر منال ديفحصوهة..

و رحت للبوبة الخارجيه مال قسم الولادة والنسائية..

لكيته رايح راجع بس عوزة ينطح و يصير،فعلا ثور هائج

شكد اضوج منه دخيل الله شايف روحة شوفة اكيد مسوي لمنال شي والا شنو المرة تنهبط وتنزف لو ما هو ورى الموضوع

درت وجهي جانب و اني ما اطيقة. شلون تصورت بيوم من الأيام هذا انعجبت بيه غثيث
: استاذ رضا رمشت علي، نقالي مسويته صامت صدفة شفت متصل.

تخوصر و ظل ينفخ.
: ما رمشت خابرت... و العفو من حضرتج ممكن بعد تجاوبيني
و تخلين نقالج ناطق بدل صامت هنا مدنلعب مرتي جوة ما اعرف شصفى بيها واعتمد تجيبيلي اخبارها تطمنيني مو تنطين رفض لو انت ثو.....

سكت واني شهكت راد يغلط علي .وانتبه لروحة..

: عود روح بيتكم جيب ملابس لمرتك ابدللها.. بدل ما تفتر هنا لا شغل لا عمل والله اذا صار على منال شي شيفكك مني...

ضرب الكاع برجله مصبر روحة
: اي بلة شسويلي..

سكتت و رجع هو مبين تعب بعيونه و هموم جبيرة..

:  انا لله وان اليه راجعون لو اكدر اطلع حركتي بيها شلون بهاي المليقه..

: استاذ احترم نفسك..

دائما طايحلي مليقة ومعرف معناها اكثر الوسط والشمال يحجوها اكيد شتيمة..

:  شوفي ممدرسج طحتيلي استاذ،.. و طمنيني عن منال..
بدل ما هجومية و فاكة عيونج شكبرهن بوجهي.. ترى مو بحالج بالي على منال.

:نعم؟! عجيب طلعت اني هجومية.  .. المهم منال هي والطفل زينه النزف توقف حتى قبل لا نوصل المستشفى. عدها المشيمة متقدمة  وفتحة بـ.

سكتت شو حسيت اكلة فتحة بعنق الرحم من ورراك مخروش عالنومة.. 
اني سمعت الدكتورة تكوللها ممنوع بعد رجال لأسبوعين

ظل صافن بوجهي و عيونة المهمومة انرسم خبث بيهن وابتسم
هذا مبين طبعه مرح وعديم احساس بالوضع البيه احنا