براكين الشوق

٦١

#براكين_الشوق٦١
# بارتات تناقض

ورفرف ذلك الطائر الوحيد محلقًا ليستقر بين الغيوم الرملية في   الثرى
بقلمي...

ـــــــــــــــــــــــــــــــــ
جبريل
بدت الامور تفلت. من ايدي

خاصة امي من تلمح تريد تزوج هاجر لاخو واحد وياها بالدوام.

: شنو تزوجيها وانت هاجر مو ددرسين شنو بعد زواج

باوعت هاجر بخوف لأمي

: ماما اني ما ازوج

سلوى: تردين عباس ابن عمج مو
ليش شحصلنا من ابوج

شوفي هذول ما اريد بيهم نختلط وانت جبريل خاف عبالك كبرت ترى اني الي سويتك لو ناسي اذكرك..

: يمة الي سواني تعبي وفلوس ابوي و شراكته وي عمتي منال الي غلستي عليها بحقوقها

كولشي مسجله بورقة الي النا والي علينا اصلا افكر اسد الذهب اني مدام متردين ترجعي ذهب بيت شيخ جياد..

باوعتلي وسكتت..

و استمرت الامور بيوم لكيت امي تخابر

هاي المخابرات مكمت اطمن الها

: يمة وي منو تحجين

: زميلي بالدوام...

: شنو زميلج يمة. شنو اني ونوح مركبتلنا كرون ومندري

: احترم نفسك وعليك بس بشغلك شنو تحاسبني ولي امري انت..

: الظاهر نرجع للنجف احفظ و استر الي لذا راح   اصفي كولشي   ناوي انطي حصص اخواني ذولاك هذا شرع الله
و عمتي منال الها حصة ورث زوجها و حصة شراكتها ويانا لأن هي ساهمت وكل هذا الخير اساسة فلوسها وذهبها الي مترجعيه
الها شراكة وي ابوي وكلنا نعرف فلا تاكلين حقها يمة اخاف الحوبة تطلع بيج
:  اكعد واسكت شغلي وشغلكم حياتنا ببغداد ماكو نجف تمام..

بديت اشك بهذا الي كثرت مخابراتها وياه

لذا قطغت حصتها من ارباح الشغل..

فبيوم كاعدين نتعشى كالت

: اكول جبريل شنو هاي الايام شغلكم واكف شنو؟

: يمة اني حبدي اصفي اصلا و ارجع للنجف هناك احافظ عليكم

وهذا الي ديقرالج ترى يكذب عليج وثقي الا ابتلي بيه

لا جيبيلي العار من تالي عمرج

كامت وهي متنرفزة

: شنو ولك تالي عمري شنو تريد تكول اني عجوز و بعدين خطبني وانت ما قبلت بس ترى اني مو طفلة ولا انت ولي امري
وحسب حسابكم اني ازوج..
واخذ، البنات هاجر تزوج اخو خكيبي واسيا هم ازوجها من اخوانه ونكعد ببيت واحد

وانتم شوفولكم صرفة مدامكم كلبكم على علي واخوانة وعلى مرت ابوكم نسيتم اني امكم مو هي
الا اعلمكم درس..