براكين الشوق

17

كل عام و انتم بخير هذا بارت طويل دمج بارتين بارت مليون وبارت عيديتكم

و اذا انت حامل لترحين زيارة كضيتها بالفندك اكثر وقتي لان قيدتهم و اني تعبت ما اوصف  رجلي ورمت

البارت كتبته امس واليوم
بفندق  الناس تزور و شابعه زيارة اني نايمة متورطة بجيتي واكتب بارت

حبايبي زرت بس مرة ومن بعيد مكدرت ادخل للامام ازدحام
اندعيتلكم نلتقي بعد العيد.. لو بارت اخير لو قبل اخير اشوف الاحداث المهمة خلصت بعد محرد نمهد نختم

#براكين_الشوق17
البدوية والمجنون..

( شكد عاندتيني  بحياتج و شلعتي كلبي عاندي الموت و رجعيلي)
عبارة تنطبق على رضا 💔
ــــــــــــــــــــــــــــــــــــــــ....

صوت رضا وهو يصيح و يغلط جان كلش معصب لدرجة الرعب لذا..

من الهبطة فترت بية الدنيا....

اول ما صحيت على هدى ساندتني وابو فضل يرش على وجهي مي..

و صوت رضا بالنقال الظاهر ما ساده جان ينطي لهدى تعليمات... اسعاف اولي..

ريحة  كريهة يم خشمي.... 
ورضا و اخوها يرزلوها

: كلنالج عطر صدك كذب

رضا: صوجك تعتمد على هادي باشا..

ابتسمت هدى وهي تباوع لاخوها رجعت الي تباوع

: صحت..  لو عطر ما صحصحت بساع..  و الله شبية البصل..   غطيته بديتول ممخفف و شممتها عطر بصلديتولي

فاضل: زين ما خنكتيها بوصفتج الخنفشارية يلة عدت سلامات سنديها تروح لغرفتها خلي ترتاح

: صار...

اخذتني و اني اسمع عصبية رضا تحولت لمرح وهو وابو فضل يدردمون على هادي وسوالفه.. و مفاجأتها..

    تمددت و غطتني

: اكولج راح يرجع مو؟ 

: يمعودة من دار الكام اخوية وشافج وكعتي ظل محتار كون يطفر من النقال ويجيج.. و الله يحبج

ابتسمت بقهر: لا ميحبني يخاف على ابنه..

: ولج يا ابنه..  اكلها خبصنا لمن رجعتي لوعيج..
شوي هدأ من حاجاه اخوي..  لا ميرجع بس  مخابر عباس.ممحصله لذا جان معصب . من خابرنا وراها سده منا و رجع حصل عباس ففهمه   ريم بنته ممقصرة ممخلية واحد مكايلتلة توسطت لمرت ابوي بشركة بالبصرة..

مسحت وجهي بتوتر: كايلة لابوها

: لا..  مو ما دخلت بكلوريا تجنب تتواصل وي ابوها لا يظل يغردلها.. 
بس عباس شارحلة و رضا مخابر هم على رياض مفهمة طلع ابو الشركة صديق لرجلج..
شوفي شكد يحبون رجلج.. لا وهم اهل ابو الشركة زبائن دائمة لصياغة رضا