براكين الشوق

الجزأ الثاني٨

#براكين_الشوق8
البدوية والمجنون

........ انام و ما يجيني النوم
و امل من السهر واسهر
و اشد خلكي و ي خلك الليل
و اعاين للفجر ما طر..
شلون اغفى وانه بهل حال
كلب متلفف بخنجر
منين تعلمت للزمن مطخ راس
ياهو العلمك
انا وليلي سهرنا و كام يسالني
جاوبته  بصلافة و جني ما متعوب
و لا جني الدمع مرات يخذلني
صبري وعازتي وجروحي والشوغات و ضميري وعزتي خلني
اتحدى البرد بالجلة افوت الماي اذا حس الجسر يقبل يذلني..
من يجيني الليل حسباتي
تزود
و كل عشر حسبات اطبكها سوى
صعبه اغالط روحي و اصبر ما انوح
و اني بية جروح تلهث عالجروح

ـــــــــــــــــــــــــــــــــــــ

رضا

ظليت احوم مقبل غيث احد يجي وياه على كولته مو لعبه هي  ..  هذا واجب رسمي شكو ماخذكم فزعه..

لازم بيدي سبحتي وايدي ترجف خايف على بنتي..
: عمي لا تخاف الولد النفذ الخطف اعترف على ربعه و الاسباب و عرفت الاغبياء ليش هيج سوو بس اذا ما كفرت بيه ما اطلع غيث مو غيث يلون ذراعه.

خلا وراح. و دوخة لزمتني حيل...

لزمني، مسار وعباس، كعدوني، لزمت بطني من فترة الم وين المرارة. 
خايف لا حصوة هناك..

ظليت انتظر على نار..

شوي زهراء جابتلي مي و ياه ليمون..

ابتسمت هاي سوالف هدى تعلم بالبنات..  سوالف السادة هاي..

باوعتلها: ضيفيلي وياه نعناع..

اخذته وراحت للمطبخ و القلق موتني على بنيتي اتصل بغيث ميرد

: ابن الكلب اكيد مسويه صامت.  اني رايح، للمركز شعندي كاعد وبنتي ما اعرف شبيها ما بيها.

كبل لا اطلع خابر غيث علي

: تعال لازم تجي انت تستلم البنية وتوقع بوصفك ولي امرها.  و حنطيك كتاب للمستشفى

وكع كلبي: شبيها ريم احجي ولك لا اجي افجرك انت و مركزك

: يوااش ا فجرت خاطفها احمد ربك وكعت بيد ذول البوخة ولا غيرهم دتعال و جيب خالة بشة وياك حتى ترافقها للنسائية  يلة حتى نكمل التحقيق..

: غيث اوكف بنتي شبيها

: عمي تعال كتلك...

و سده من الهبطة راد يوكع النقال اباوع لاخوتها الي سالوا شبيها همست

: مبيها شي

رفعت راسي بشاير لازمة الجهال و تلاعبهم.. 

: امشي وياي،
: اني

ظليت  استغفر وحاجيت.. زهراء بدلي انت و تعاي وياي..

: صار عمو...