براكين الشوق

«٣»

#براكين_الشوق_٣

انتِ جَنة الله على الارض
يهتز العرش بدموع عينج
تنحني الروس لاقدامج تبوس
مابيها طعم الدنيا من دونج
يانبع الله...الحب والحنان
ياكل دنيتي ادخل الجَنة برضاج

#قفشة بقلمي
سنة ٢٠١٦
ــــــــــــــــــــــ

منال...

ظليت ادور ابني. 

رضا جابوه الضربة بجتفه سطحيه.

التفتت لغيث

: اول مرة اكلك ابقى يم اخوانك و قفلوا الباب مو تطلعون.

رد غيث علي  : اروح وين ما ترحين.   يمة عمتي تسميج الخوارة ام الشوارع
و مرت عمي رضا تصيحج ام الزلم يمة شنو يعني ام الزلم.

باوعتله و اني كلبي معصور على علي ما اعرف وين شرد  خاف من عمامه ...

غيث يلح : خاف تقصد ام الزلم اني واخواني زلم و انت امنا

رديت واني ادخلة للبيت : سد الباب زين و مثل ماكتلج مو تتوكح غيث اخوك ماكو لازم الكاه...

رحت لبيت فضل هم مو بشارعنه بس رضا بيته لزك وي بيتي..

طلعت ام احمد  وهي تهلي بيه...

ام احمد :
يا هلا ومرحبا بأم علاوي دخلي خيه

: ام احمد فدوة علي ما اجة يم احمد هو متعلق بيه بلكت اجة ....

ام احمد : لا خيه محد بالبيت بس اني و بنتي...

حتى احمد  يم عمه.
ابوه دزه  على الهوية و بس كال   رضا متأذي مضروب بجتفه...

و هسة خابر فضل اجي اتحمد سلامه لبيت رضا قبل شوي جابوه من المستشفى كلهم هناك اني هم راح اشوفة تجين وياي ...

منال : ام احمد وين  اجي وياج الولد ضايع من الصبح وهسه  ظهر ما خليت مكان ما دورت عليه .... يمه وليدي يمه اول فرحتي يمه وين الكاه ..كله من رضا الي ما عنده ذمة وضمير ...

: ليش خية بس لا هو الضارب عمه

حسيت تدري بس سوت روحها ما تعرف حتى تاخذ، مني حجي خاف ما واصللها كل المشكلة

ترخصت ساكته و محجيت ولا رديت..
ادور ابني..
هنا وهناك...

: بس لا ما الكاه .. اكيد خايف وليدي يمممممة علللللللللي وينك يالحنين...