براكين الشوق

٦٢

.
#

براكين_الشوق٦٢
#تناقض...
ـــــــــــــــــــ

جبريل..

ظليت احاجي خالي طلبت منه يجيك باقي الاملاك
كعدت اقرب كرسي بالجادر

افرك بعلباتي بيدي وايدي ترجف احس راح اوكع.. النقال من ايدي..
نظرات الموجودين خلتني اطلع من الجادر و اكمل الاتصال واني مكمبص بركن بيت عمي...

تعبي من عمر ١٥ اقل من هذا العمر واستلمت امور الوالد..

اني الي كبرت الشغل و زاد الخير خيرين بتعبي اني ونوح..
هي مسوت شي مجرد تجمع الارباح.... تالي تبوكنه تعبنا اميش

بس رجعت احاجي خالي

: هسة وين الكاها..  خواتي عدها المال يولي اهم شي خواتي عرضي يا خالي وامي ما امن بعد

مسحت وجهي واسترجع عرايكنا اخر فترة

الرجال الي  يشتغل وياها اكيد يعرف بمكانهن..

: خالو انت بس شوفلي باقي الاملاك على ما اوصل بغداد خواتي عدها... لازم الكاهن

علي: جبريل شبيهن خواتنا

رفعت راسي لعلي الي لحكني ووكف كبالي و بعينه نظرة شك..

سديته من خالي مديت ايدي لعلي يكومني مكدرت اسند طولي.

وسولفت  كولشي لعلي تصرفات امي المريبة تهديداتها و مقترحاتها بتزويج البنات. 

عصب: هاي من يمتى امك تواعد وساكت لو كايل سحبت البنات يمي بلة امك طز بس هسة اني وين الكى خواتي.  .

اني من زمان كتلك جبريل  تجون يمي اتابعكم وادير بالي عليكم  وفرتلكم بيت ايجار او تشتروه و تكعدون تنجبون يمي حتى اتابعكم
من شفتها متقبل يعني تخطط لشي بس انت غبي

ظليت مدنك مكدر ارد عليه بس نوح الي اجة وكف يمنا يشوف شكو بساع دافعلي

: وانت علي من انمار تحارش بوعد مبلغتنا وما عرفنا الا لمن هد انمار بالعرس على احمد
و صار معاير واحنا كرون و كاعدة

تالي، علي تقبل انمار، يعتذر من الكل شنهاي يمعودين غير نذبحة راد يصخم اختنا

علي: انمار داخله غل اذا منحتويه يدكنا ناقصة ويستمر
ما اعتقد يتجرأ يعتدي على اختنا احتمال راد حتى ننطيه ياها و ننجبر من لكفهم غيث جائز مخطط

المهم هاي سالفة ما تنفتح بعد والولد سافر لأمه
و وعد تزوجت تعالوا هسة شلون نلكا هاجر واسيا..
بس، نوح ظل يتفلسف

: هاي نتيجة الثقة الي انعدمت.. يعني الغلط مو بس منا الغلط لا انتم تعتبرونا ثقة ولا احنا كل واحد خايف لا موضوعه يطلع يم امه و تصير شماته