براكين الشوق

الجزأ الثاني6

#براكين_الشوق٦

البدوية والمجنون..

«الحوبة تسحك وتلحك و تاخذ، ثلثين الحك»

رضا..

خليت جنطتي على جتفي و طلعت..

خلال هاي الفترة شكد حاولت ابرئها.. 
حاولت اتاكد ما الها دور بخذلاني..

عقلي هواي تشتت بين ذكرياتي وي منال الي بس احجي على بشاير تنتفض
و بين مواقف بشة الي بساع باعت منال و بفترة قصيرة قبلت تستقر وياي لو كالتلي ناجل زواجنا ورى دوران السنة ممكن احترمها..
بس حسيت فرحانة بدور بديل عن نولتي..

هنا ثبتت نظرتي عنها تتحين الفرص و جانت سبب منال عافتني و نبذتني من  حياتها... 

اني عرفت منال مستحيل بسهولة تتخلى عني مستحيل يا ناس ما اصدك شلون وحدة عشكتني و فجأة ترشحلي بت خالها زوجة الي لا و توصي.. كل هذا لعبة عقلي ميستوعب هذا واقع.

اللوتية تجيني من باب ما طلبت منك شي بقيني بس اربي اياس تحاول تستفز غرائزي...

زواجنا اكثر من شهرين تقريبا شهر و اسبوعين زواج تام..  اخر اسبوعين بديت اتقبلها...  رغم جنت اختبرها و كلما استدرجها بالليل تحجي كولشي
حتى عن ولد يراسلها اسمه عمار سولفت و شفت عيونها تلمع من تجيب سيرتة ورسائل الغزل و شلون مفتحت النقال خافت اقراهن..
حجت كولشي.   بس مكلتلي ليش مبلغتني بمرض منال و ليش مبلغتني منال  رادت تشوفني قبل لتموت منال تكول سامحتني ليش سكتت..
شنو المبرر لكل هذا...
شكد لمحتلها تشرد متحجي..

باوعت لسكف التكسي..  من الداخل وراسي شوي يطخ بيه..

طلعت نقالي و غلقته..  و خلاص بشائر محطة من محطات حياتي و استراحيت بيها  شهرين.. او بالاصح شهر و نص.. 
رغم ردت استقر وياها.. باخر فترة والغي نيتي تدميرها مثل ما دمرتني..

هي الي خلت نفسها بهيج موقف..

حاولت  المح الها كم مرة محجتلي اذا نظرتي الصح. 
كدرت بكل طريقة ملتوية تخلي منال تكنسلني من حياتها..
و مكتفت بهذا ابد.   تشوفني الوب متعذب مكالت ترى منال طلبت تشوفك و باريتك الذمة بس متصلنا بيك
طبعا شلون تبين ذنبها..

الله يستر على ام احمد مقبلت ابقى واحد مغفل..  لذا رجعت عن قراري ابقيها كزوجة مو مربية لابني بس كلت الا انطيها درس متلعب بمشاعر الاخرين.. و انتقم لان استغفلتني و تصورت بمؤامرتها الوكعت منال بيها راح  تنجو ما اكشفها..

يومها جنت رايح للسوك و اتصلت بية ام احمد..

: خوية اريدك بحجاية اني يم امير المؤمنين..  تلكاني  كبال  الطوسي...

جنت بالمقبرو زرت موتاي و اخوك حسين ومنال خطية و الله ميتة قهر عليك و ظال تحوم ومحد يبرد كلبك بس اخذها مني منال متركتك  رغم زعلها باريتك ذمة تعال نلتقي ونسولف..