براكين الشوق

٥٧

#براكين_الشوق٥٧
#القواعد_الخمس..

القاعدة الثانية ..⁦2⃣⁩

الشاعر غير المحظوظ هو الشاعر الذي يجيد قواعد اللغة
ولايجيد قواعد اللعبة إياك ان تحتفظ بموتاك البحر يبصق ضحاياه على ساحله كانه يقول لهم .. اخرجوا فانا لست قبرا
«كالتلي ردت الفركة الله يزيدك
اي صح رحت من ايدي بس من ايدك مو منها لله من اجت للشيطان  كل ذكرى رادت جوة روحي تعيدك اي صح رحت بس رحت روحة تابوت فارغ ترد للرايدة وميريدك انترك بس ابقى بمكاني اتعافه الوطن ميسافر لواحد عافة»
#حسين علي المطوري
ــــــــــــــــــــــــــــــــــــــ

رضا..

اباوع شكاتبتلي
هة..  ابتسمت بألم ورجعلي احساس الأهانة الي حاولت لشهرين  الم شتاتي
الحمد لله الي خلاها تراسل حتى ارد كرامتي الي هانتها

اصلا انصدمت من فتحت حساباتي لكيتها هواي  مراسلتني..
مو طبعها تتنازل حتى لو غلطانه متتنازل.  .. 
هي تعودت تنتظر مني ارجع بكل بساطة.

وهسة متأكد بداخلها مطمنه و تتوقع بس تراسل اجي كبل اسحل روحي والله يا رضا اذا سويتها تستاهل كل حجاية كالتها عليك. 

كتبتلها

:  الاعتذار ممقبول نحط النقاط على الحروف المرأة التزوج اخو حبيبها هي النذلة وخاينه  لعهود
الحب..
و معادلة ممقبولة مجتمعيًا..

بس تجاوزت حدود المجتمع و كلت اني قبله حبيتها وهو السرقها مو اني
ردت رضاج طول عمري اسعى لسعادتج ورضاج اسعى حتى احصلج وانت البعيدة القريبة

جاهدت فعندي الجهاد مو بس بالمعارك فجهاد الحب اله شهدائه

صرت شهيد بحبج بس انت هاي انت المغرورة وفعلا هنا دون علم مني جنت متنازل عن كرامتي وساحل روحي واني ممفكر بيج تظني هيج جنت افكر تفتخري بحبيبج الي بقى عالعهد..سنين

المفاهيم بالعشق اختلفت.. و اني الي بقيت ممختلف

لذا مميزت الا لمن حجيتيها بكل قسوة.. تذكري شحجيتي.

عموما رسالتي طويلة صح بس يا منال اجة وقت نحط حد وحدود الج.

رضاج الي، تعودتي تهينيه  بس هو يفوتها ويرجعلج عاشق هايم على وجهة من العشق معمي گلبة وعيونه عن حقيقة حبي الج حب طرف واحد..
كلامج فسرلي محبيتيني صدك جان حبج مجرد ارضاء غرور

تهموني بشكرية انت اول من وقف ضدي وين الثقة الي هي وليدة حب..اذا منعدمة ثقة

دائما تجاوزي ومن عناصر العشق احترام متبادل...
اذا انت سليطة مستبدة

الاتفاق من خصائص العشق دائما تعانديني تسوي العكس
اذا انت متزمته الرأي..

انسيني هاي اذا باقي حب داخلج ولو اشك بيج تملكين مشاعر وتحبين المهم رضاج الغبي الي كضى عمرة وضيع سنينه بمعركة خسرانة..  انسيه مات قتلتي كل الحب داخلة