براكين الشوق

40

#براكين_الشوق٤٠
الحُب الأوحد..

بقلم نور
تدقيق سلسبيل

ـــــــــــــــــــــــــــــــــــــــــ
رحت للباب جان حسين شعره منكوش مصخم وهو يرجف

: رضاااااا حركته  ليش ولك حركته...

كتفت ايدي على صدري و ابتسامة تشفي اي تشفيت بيه اني، رضا النجفي الي جنت اتمنى احتوي حسين احسسه احنا اخوته عضيدينه 

بس هو رفض و هو الي لعب صوبين وهو الي خان الاخوة والصداقة
حسين جنت اعتبره رفيق و صديق..  بس هو الي اختارني عدو و صرت  بنظره وسيلة انتقام من شخص اذاه.

هو الي نبه داخلي شعور نذل استلذ بسادية الانتقام...

هو الي وصلني لهاي المرحلة مرحلة اللأنسانية... 

من يوم تنازلت عن الأنسانية من يوم تنازلت عن حلفان المهنة وهو  ان الطبيب قبل كل شيء انسان منزه

من هذا اليوم تركت مهنتي كطبيب رغم شكد جنت ناوي اوصل الى اليوم الي اترك بيه هاي المهنة لأجل مهنتي كصايغ.

بس بالحقيقة السبب هو لأني خنت مباديء الطبيب.. و مينفع امتهن مهنة شريفة واني تداخلني الشر.

ما حسيت الا لزمني من خناكي..  «ركبتي» وهو يضغط عليها مديت ايدي ثنينهن ونترت ايديه عني

:  حسين اطلع برى ما اسامحك لا دنيا ولا اخرى..
على مال الدنيا احترك كلبك بعد و بعد شوف يا حسين  .. اذا ما عيشتك حركان الكلب  و الحرمان  ما اطلع رضا..

مسح وجهة بعكس ايده وهو ينهت
رجع لورى و كل ملامحة ترجف وهو  يتنفس سريع  يمكن حسيت بصوت نبضات كلبه شمر بيديه بالهوى
و راد يغثني..  محاولة اخيرة منه يدمر ابتسامة التشفي الي انرسمت على شفايفي.

حسين.: اسمع انت عدو مو اخو؟ و همزين حرمتك  من منال ظل طول عمرك بحسرتها.. اني الربحان و اذا خسرت المال يتعوض بس انت مسكين صعب تعوض منال.
لو صدك انت نزيه لحاربتني بغير رزقي  لأن  حرام قطع الارزاق   لو تخاف الله كلت  عنده جهال و  عائلة يعيشها.. النوب ابوي ذب كل مدخراته هاي تجارة جبيرة مشيت بيها لك ضيعت حتى فلوس ابوك.

: ما يهمني لا اخ لا اب.. الي باعني بعته.. و كل مشاعري لأبوي بس الرأفه بيه لأنه ابوي. 

رد حسين بشهكة  وعيونه المدمعه ما كدر ابد يلزم الدموع وهو يحاجيني بيأس مني

حسين : ولك حرام عليك منين اسد الديون..
مديون يا رضا ابوي يموت اذا الدين مينسد ابوي حتى تداين حتى انجح بالتجارة

رضا : هة.   قهرتني عليك لو تخاف على ابوي يا حسين مو كاضيها عربدة وشرب و نسوان وهسة تكول مديون ما فكرت ولك بربك و بأبوك.. اما ابوي اني كفيله معليك حير بروحك. وسد ديونك..