براكين الشوق

29

#براكين_الشوق 29
«يا حبي الأوحد..» 

(تفاعلوا ت فقرات حتى يستمر النشر تفاعلكم ميت
الا البعض مشكورين
تأخرت يوم عن موعدنا السبت موضحتلكم ملاحظات ببروفايلاتي. انتم متابعون شسويلكم..

ــــــــــــــــــــــــــــــــــــــــــــــــ

علي وامه بالسيارة وهي تباوع من الجامه و تعاتب حسين بداخلها.  انهيارها وصل للذروة...

همست وهي تحاجي طيف حسين  الي معلك بين الجفن و المقله...

همست دون صوت همست عتاب سري بينها و بين داخلها...

منال....

كل هاي السنين عايشة قصة اكذوبه ووهم..  معقولة يا حسين.    مكمت اميز الصح من الكذب معقولة تركتني  مغفلة ومتت هربت من المواجهة لا والله ما ابريك ذمه يا حسين...

علي : يمه بيج شي..؟  شنو كلتلج،مرت ابوي

ضحكة صدرت من اعماقي ضحكة هستريا...

وكف علي السيارة  بمكان بعيد عن سير السيارات...

و فتح  الجامه...

: شوي ارتاحي يمه و جري نفس...

غمضت عيوني و سندت راسي على الدشبول (اعلى الجكمجة...)

واني اشهك كوة اجر النفس

: يا علي..  كون انام و ما اكعد انام الى الأبد.. انشد راحة بعيدة عن بيت النجفي. دمروني..
لو مزوجة ابن خالي حتى لو بدو..
ولا هذا الضيم على الأقل بالكويت جا هسة اني..

علي : ها يمه...  تتحسفي.   بس شوفي الشي من جانبه الحلو وهو  خلفتينا لو هم ندمانه علينا

رفعت راسي لعلاوي مبتسمة

: يمكن انتم احلا شي بحياتي.. اني امي مرة بدوية شافها ابوي و عشكها و الغريب خطبتها ..
هم يمكن من الجهراء اصولهم من بدو كويت و قبل ماكو حواجز بنص الصحاري يترحلون ما ثابتين..
بس اذكر  مرة كال الحكومة الكويتية بنت النا بيوت استيطان و خالي حالة حال البدوا الي استوطنوا  الجهرا..

   يعني حتى قبل حرب الخليج دوم يزورونا و ها.    لو ماخذة   ابو عيون كحيلة... ابن خالي و الله احسلي..

وقتها كال لأبوي بنت المرحومة انطيني ياها لأبني.
و راد خالي لبنته يزوجها لأخوي صالح
بس صالح رفض يجيب لمرته ضرة.  كون كلها مثل صالح صح خبيث بس صبر و تعالجوا و خلف بناته..و ما انطة بمرته بحجة ماكو خلفة و لا تزوج  خلفوا على كبارية..
الله يستر على بناته..

حظي. واحد لعب و يريدني نهاية مطاف و خليني ساكته احسن و الثاني ..  اخذني بالحيلة و هو يدري كولش زين.. منال ما تدخل زوجة لرجل مزوج و الا تزوجت رضا...  حتى قبل لا يدكني اخر دكة ضيعتني وقتلت ابوي...