براكين الشوق

٤٩

#براكين الشوق49
الحب الأوحد.

بقلم
نـޢޢۅرـ بـصـ≋ـرـريّےـ

نـޢޢۅرـ بـصـ≋ـرـريّےـ

ما طحت و تحنيت لو طايح شلون

جا دك الاصبع صار وي هز المتون

علي& سولاف

ــــــــــــــــــــــــــــــــــ

سولاف..

ورى ما راجعت الطبيب و اخذت العلاجات من الصيدلة رجعت للبيت واني لسه احس اعصابي منهارة من ورى علي.

عود شنو معناها اذاني هواي وكوبش تعبني وهسة بكل بساطة
يريد ارجع.

لهال الدرجة ما عندي كرامة..

لا يا علي وصلت وياك مواصيل نهائية..

حضنت ابني واني اشم عطر ذاتي بيه ذكرني بعطر علي الذاتي...

استغفر الله هسة اني اطردة من حياتي وارجع ادور عطره بأبني
..

بس شافني بابا بين بوجهة مستغرب

: معصبة؟

: اي تلاكيت وي علي وتعاركنا

: بنتي راجعي قرارج

: لا بابا خلاص اكتفيت.

صوت مرت ابوي وهي توكف وياي

: خليها تاخذ، موقف قوي منه من هسة مدام بس طفل واحد بينهم باجر تكبر الفجوة و عدهم اطفال اكثر هنا صعبة شوي

ابوي : كل رجال تصير بداية زواجهم مشاكل اذكرج بينا.. اني جنت متنقل الزيجات استقريت عليج انت الكدرتي تحين قلبي
المات واتي بعز الشباب

ابتسمت واجت يمه انسحبت من يمهم من شفت الجو صار بينهم رومانسي..

تلفتت لكيته حاضنها و راسها على صدره و مدري شيتهامسون خجلت و تركتهم

لاكيت قمر اختي منعتها تدخل عليهم

: تعاي نلعب بلي.
ردت ام لسانين

: انت مو صرتي ام عيب عليج تلعبين..

ضحكت و تركتها : خايبة ولي صوجي اني..