براكين الشوق

٦٤

تعديل البعض مطلعلهم البارت لان بالمحتويات ناسية ممخليته اخر نشر فصارت الملاحظة توقف اخر شي
جان لازم  اخلي البارت بالاخير حتى ينتبهو للتسلسل لان البعض ميندل شلون يفتح خانة تسلسل البارت ويشوفه فيعتمد ع الاشعارات يفتحها
لذا عذرا ع الازعاج لان حيوصل للكل الاشعار مال نفس البارت بس مضطرة لخاطر بنات مديندلون البارت الا بالتعديل انزلة الهم اخر شي ورى ملاحظة توقف مو قبلها يصير

شكرا لتلطفكم و صبركم..
السلام عليكم كل عام وانتم بخير
اعاده الله عليكم بالصحة و الرزق الوفير. 

نباشر ما تبقى من بارتات لتكملة براكين الشوق
النشر بين يوم ويوم..

#براكين_الشوق٦٤
#تناقض ... 
بشاير... 

من الطوارئ، كبل لردهة الانعاش القلبي. 

لو اعرف بي يأذيها بكلامة مخليتها ولا شجعتها تتواصل وياه 
اي كله مني كلما اريد اجمعهم لأن منال تستحق كل خير احتوتني لو ما هي اني الله يدري بمصيري.. 

اعتبرها اختي، الجبيرة الله يشهد.. 
اعترف حبيت رضا وهذا شي خارج عن نطاق قدرة تحكمي، بمشاعر انزرعت والسبب منال.. 

جانت ترتبني اله  وتاخذني لمحلة وتلمحلة. 

كرهني من وره ملحة منال...   ادري اعتبرني قناصة فرص..  و كل اعتقادة اني ضاحكة على عقل منال حتى اتزوجه..

لمحلي، بأخر زياراته..   عود اني الخليت الفكرة براس منال ليش، شعجب ميعرف مرته متسمع من احد بس من نفسها  مو النوب اني اقنعها تزوجني رجلها. 

و الله هذا بطران.   ساعة سودة الي دك كلبي اله.  
بلة شعجبني بيه لسانه الوسخ
لو عيونه الزايغة..

اشوف منال متأمن بيه و تريد تزوجه على مرامها..
خوفا لا باجر يجيب اسوء تربية زوجة اله تضيع وتشتت العائلتين وتظلم اياس..

اوقات احس بمنال تملك حاسة سادسة مستقبلية..

رجعت هم  افكر بيه واكول ليش يكرهني...

هزيت راسي واني ابعد هاي الافكار عن عقلي.    اصحي يا بشاير.. اصحي بشيرة..
هذا رجل خيتج، و اصلاً مو من الانصاف تفكرين بيه هاي خيانة..
و الله بس واحد يطلبني للزواج اقبل بس حتى اخلص من ملحة منال..

وفعلاً رجعت غلقت مشاعري وكتمتها..  رغم منال اباحت  الي  و قدمته  ورادتني اخلفها. 
بس مبادئي اعتبرت نفسي خاينه لان حبيت رجلها.

اباوع لجهاز الانعاش  و صوت النبض الضعيف وابجي،.. و اني اندعي تعيش

و الله هضيمة تموت وهي معاشت حياتها ولا انسعدت كضتها ضيم وضلايم..

طلعت من الانعاش بساع..
للممر اكو كبال باب الانعاش مقاعد كعدت عليهن..

شفت علاوي خطية يفتر بين الدكاترة وهو تعبان مهموم..