براكين الشوق

٦٧

.#براكين_الشوق٦٧
«بين الطيف و الواقع»

بالاوقات الطبيعية بينويوم ويوم او كل يومين و الساعة ١١:٣٠ او ١٢:٣٠ مساءا

ــــــــــــــــــــــــ
اباوع ع حايط لافته سودة
بيها نعي وصورة عمار.. و عمال توهم خلصوا دك الافته..

خليت ايدي على حلكي وشهكت

:  اويلي  على شبابك..

انتبه علي لنظرتي...
وهو يقرا الافته و يردد

لا حول ولا قوة الا بالله انا لله وانا اليه راجعون..
خالة مدري شكولج بس منكول الا الحمد لله ع كل حال..

جرني من ايدي لان تصنمت مكاني..

المستشفى متوتر و خاصة كادر الانعاش..

بيهم اليبجي وغير كل مجموعة تسولف..  لمن طالعتني صورة عمار على حايط القسم بغرفة  التقنيين....  نعي وفاته اثر حادث مؤسف

ظليت مصدومة واني اباوع للي المفروض ورى يومين يصير خطيبي و زوجي...

كولشي قسمة ونصيب حسيت منحرجة والله..

ربي ما اجت منيته الا لمن نوى يخطبني معقولة اني جرفتي فكر و علست الولد...

شفت ممرضة و سالتها
:  عفية سستر... شلون  عمار توفى.

بجت:  رايح امس يشتري ملابس لخطوبته و يجهز اموره من عابر لساحة ام البروم داعمته  سيارة. توفى فجر اليوم مكدروا يسوله شي نزيف دماغي بسبب حادث الدعمة..

هسة اهلة استلموه من الطب عدلي.. 

اذكرت اول مدخلت المستشفى هوسة يم الطب عدلي و علي بساع جرني... و كال تعاي منا...

تالي وصلني لمنال و كال شوي اجي...

شوي اجه علي وجهة مغيم عيونه حمره

باوعلي باسف و حزن

:  رحت عزيت اهلة ديستلموه تردين اخذج لفاتحته

رفضت: لا علي فدوة هم ميعرفوني عود الخميس تعارف وعقدنا  بس، كولشي قسمة ونصيب مو قسمتي...

كالي من خابر... الخميس الصبح تمر امي خاف محتاجة شي لان المشية العصر تصير شفت قسمتي يا علي.. كم مرة توصل وتنسد واحد قشمرني باكني وشرد لو يجوني شرابين عرك لو وين زايعته الدنيا...

باوعلي ومسألني... شنو تتواصلي وياه بس نظرته بينت شكه
مهتميت مقهورة على شباب عمار بعمر الورد...  ذكرياتي وياه القليلة كولش مأثرة بية مختنكة كولش. 
شلون يخطط عرس وشهر عسلنا شلون كال انت امنيتي بالدنيا جنت ما اريد الزواج بس انت الي ربي قاسمها...

لا يا عمار يا طيب مو قسمتك..  اااخ الله يرحمك..

ساعة سودة الحبني وراد يخطب وطلع يشتري ملابس  للخطوبة عميت على الولد..