براكين الشوق

«18»

#ينبوع_الحنان 18

اتحاشا ما صد يوم يم صورة الراح

خاف اكع ويصيحون ذاك النجر طاح

مثل البخت ما موت اضعف ورد صل

ما بعت بس مبيوع من صاحب و خل

انت التعرف العيب جنك بعتها
وانه علمودك ناس تسوى و عفتها

#نصير الفتلاوي

💔منال
ـــــــــــــــــــــــــــــــــــــ

رضا... اجاني اتصال من بغداد.  ..

رحت للمكان..

جنت ضايج مريت بجليل رحب بية وبالسوالف كتله

: تعبت.جليل كلش تعبت...

: ناوي تبلغهم لو تسكت

: ولك كلت تاب و جاز بس ااخ طلع الطبع بالبدن ميغيرة بس الجفن
هسة شسوي شفت كلشي يدل  بهاي المصيبة صح... و ماكو تلاعب

: شناوي بس لا تسكت

: حاليا مكدر احجي ولك اخاف عليها مو بيدي اخاف تموت بقهرها متعرفها ام كرامة و كبرياء
و الله تموت من تعرف سنين جانت مغفلة

: اني حسين جنت اشوفه مثالي و هسة صدمتني رضا شحال المسكينه

: لعد شكول هي بس شوي استفزها تتخربط مو بعد بهاي لا محجي السر يبقى مدفون شو صارلة سنين و الحياة مستمرة لشنو احجي و تموت منال بقهر واظل بحسرة شوفتها

جان دومه مثالي بنظر الكل و جنت اني الملعب و الغادر بنظر الكل و الحقيقة يا صاحبي اني المغدور.... اني الي تركني بالحيرة شلون اواجهها و اكللها صعب..

جاي اطلع و دخل شاب ثلاثيني.. باوعت لجليل
الي،عرفني بيه

: نسيبي.  مقدم رعد.. بالداخلية و الاجرام..

مد رعد ايده الي،..
سلمت عليه

و ترخصت و طلعت..

اكلب بنقالي للرقم  للماضي.   .. 

خابرت

: الو...  شوف ممنوع تجي للنجف  .. خل ارتب وضعكم..

: بس اريد..  قاطعته

: اذا جيت يا  يا نوح .. انت او جبرائيل   ما اوكف وياك... شوف اني عندي مبدأ الي ميسمع كلامي ااذيه.. و سبق سويتها بناس.. فخليني حلو وياكم

دربالك لحظة غضبي لأن قراراتي و تصرفاتي بغضبي ممسؤول عنها..

:  عمي و الحل.  جبريل خوي يلح اذا متحلها نجي نحجي الحقيقة..
.. سنين اندوركم و من لكيت تمنعني من هلي و ناسي..

: اي امنعك وامنع اي صلة الك بالنجف لأن  جيتكم  تسبب خراب جبير..  بس اوعدك بيوم اذا  رتبت الوضع اني بيدي اجيبكم.