براكين الشوق

«١٤»

#ينبوع_حنان١٤

الهــــــــــــــــــم
الهم شرح گصيت من كلبي للجاع
كالولي عليه مغشوش ما يستوي بساع

تضحـــــــــك
تضحك علي ادريك بس ،شامت احذاك

خافن يحس رديت كمت اضحك وياك

ــــــــــــــــــــــــــــــــــــ
♡منال

فترينا و تونسنا ورى العشا كالت زهراء

: نروح نزور.  ؟ غيث عفية نروح

: يلة امشوا..

وصلنا الأمام كعدنا على السجاد وين باب الساعة...
كبال برادات المي..
لفيت عباتي عدل.. واني اباوع لبناتي...

وعد لسة عقلها طفل تريد الا اشتريلها فريرة ام الكلوبات...جلبت بغيث

: و الله احبها والله اريدها اشتريلي عفية

: عودي..  بله حالج من حال هاي الاطفال.. 

: مااااا مالي غرض الا فريرة...

رزلتها اريد شوي تصرف برزانه مو جنها جاهل

:اكعدي اشوف كعدي يلة لا اكوملج هنا كدام الناس

: بس ماما...

: و بسباسة تلفج

زهراء بيدها نقالها حاجيتها

: عوفي هسة المراسلة وي مسار.. شوفي هاي العالم الله ذول مبينين حملة من البصرة اخ ديرتي تركتج عروس و ما رديتلج بعد...

اجة طفل صوبنا يلعب بطوبا من ذن المطاطية وكعت بحضن امي..

كرصت خدودة و انطته الطوبه

اجت امه : تعال عذريني خية هذا ممذور

ابتسمت امي : انت بصراوية

: اي خية جينا حملة دار و باجر رادين لهلنا

: اهلا وسهلا بيكم بالنجف تفضلوا عدنا

: مشكورة خية ما تقصرين..

اجة رجلها : هاي وينج جا انت هنا تفترين وانه ما خليت مكان ما دورته
ابتسم للهجة و حنيني للماضي لجذوري..

ذبيت حسرة و ذكرت حجاية رضا و الله ما اطلعج من ديرتج اني اجي اسكن البصرة..

استغفر الله شذكرني بهذا... صدك لو كالوا ماضي حتى لو ينتهي تبقى اله خيوط.للحاضر..

.

اني عفت كلشي لعيون حسين...

شوي و بين مسار و اهله لا ومسوين الموضوع طبيعي اكول زهيرة تلح نزور

ثاري خطيبها هنا...

: هلو عمة شلونج شلونك غيث و رياد شخبارج عودي

هاي شبيها تبجي

زهراء : على فرارة... تتنعوص...

نبص انمار