براكين الشوق

النصف الاول من بارت اخير

#براكين_الشوق النصف الاول...من بارت  الاخير
الجزأ. ثاني، من رواية براكين الشوق  «البدوية و المجنون.».

من الجرح ياصاحبي اتعافيت
عبرتني المنيه ويومه اتبدل
لكطت السنين ولحكت عالظال
وحييت الامصوفر كبل لايذبل
تانيت امنياتي المامنعسه اتنام
حته اكدر ابسكته من القيود افتل
عفت بيت ابوذيه على العش مكتوب
كلبي ابفركت الخلان وجناح
وبديت انحاز للشمات وجناح
صدك خليتني ريشات وجناح
لكن صفك جنحي من ردت ارحل

حال..  رضا&سجاد& ابو الفضل
ــــــــــــــــــــــــــــــــــــــــــ

رضا...

وصلت للبصرة.  ( من الكويت للبصرة..  )

جنت تعبان.. واني جنطتي على ضهري بس ورى مكالمة انور عم حسن الي..

و الله حتى ما لحكت اشوف اهلي ابني ريان  الي  عمره فوك السنة صار و لسة مشايله ولا حاضنه ستر الله على التواصل الي تخلينا نحجي فيديو وي احبابنا وناسنا

ادك بالباب  حارة.. 

دكيت الجرس... 

شوي صوت حاكية.. صوت السيد

باوعت للكام واشرت علامة هلو... 

اجاني صوته: هذا رضيو جاينا يابة مؤمل روح افتحلة الباب ودخلة بالمضافة

شوي انفتح سلايد الباب
و سلم علي مؤمل. 

: فاضل هنا

: اي تعال شنو جيتك بس لفاضل

: لا خلي يطلع محتاجة بشغلة ضرورية وخلي يجيب وياه سويج سيارته

استغرب الحال

: ابو مسار صاير شي..

: لا بس توني جاي من سفر واجيت على وجهي لهنا خليه يجي.   .

شوي وطلع ابو الفضل متوتر والسيد وولده

السيد: ها ابني شنو بيك..  ؟

: سيد لتخاف بس شغلة خاصة محتاجه بيها

جان  سيد ابو فضل لابس. تراك كريمي... بيه خطوط زيتوني ورصاصي..

السيد: الله يستر من خبالك يابة

: لا مو خبال حياة او موت..

: الله يستر انت مو بالخارج جيتك هاي منين من اهلك.

: من الخارج مولانا اجيت كبل مشتاق لابنك..

ابو الفضل: يابة صوفر وجهك ماكو شي.  بس تعرفه يريد شوي يتنعنع.. يلة اترخص انعنعة وارجع. 
خلولي غدة وهذا هم حسبوا حسابه نريد سمجتين شوي كطان وحدنا بيهن مو تزغللون و تاكلون وتنسونا

جرني ابو الفضل.. 

: وخر اطلع السيارة من الكراج

: راح اصعد  مؤمل بطل ماي مجرش بعد اخوك..