براكين الشوق

34

#براكين_الشوق34
يا حبي الأوحد..(البارت دون اي مراجعه )

هذه الدنيا كتاب انت فيه الفكرُ
هذه الدنيا ليالي انت فيها العمر ُ
هذه الدنيا عيون انت فيها البصرُ
هذه الدنيا سماء انت فيها القمر ُ
فأرحم القلب الذي يصبو اليك..
فغدا تملكه.  بين يديك...
فغدا تمتلأ الجنه انهارا و ظلا
و غدا ننسى  فلا نأسى على ماضٍ تولى..

و غدا نزهوا فلا نعرف للغيب محلا..
و غدا للحاضر الأتي نحيا نحيا...
ليس الا ليس الا

ـــــــــــــــــــــــــــــــــــــ

رضا...

اتصلت بأنمار شاغل بالي. 

جاوبني

: نعم؟

رضا : نعم الله ضلوعك.. احجي بأدب يا ولد

انمار : بابا شحجيت كلت نعم..

: لك كلب يعني رقمي معروف اني اتصل مو واحد متعرفة وتحاجيه بأسلوب محلو.. كلي نعم بابا.. 

قلدت  اسلوب كلامه نعم.. من طيح الله حظك..

ظل ساكت

: انمار بابا تريكت لو هم ما اكلت بالي يمك بابا.

صوت انمار تعبان

: ما اشتهي..  اتصل بأمي مجاوب..

: انتظر جائز ممرتبة امورها بالخارج لو دايحة تستطلع البلد....

انمار : دايحة؟

رديت : اي نعم.. اكص ايدي اذا ما هذا  خالك قرالها على واحد من الشياب ربعة العرب الي بالخارج. 
بس،يلة هسة الجديد ينصدم بالزنكلوني.. 

انمار : بابا احترم جرحي.  .

انتجيت على حايط السيراميك وراي

: اي بلة مجروح؟ شنو بابا عاشك و مجروح لك امك عافتكم لا خير بيها التعوف ولدها و بناتها الي لسة مراهقات صغار

ظل يبجي يموتني من يبجي جنه،جاهل

:بابا لو معيشها عيشة حلوة متعوفنا بابا امي اريدها

:  لا اله الا الله شكبرك يا طحش... شوف انمار
تحتاج وين ما اطلع اخذك وياي شوي اسويك زلمة شنو مكابل التلفون تبجي
حتى ريمة تعودت على الوضع...
يلة ولي.. اكلك لكمة كافي مو طفل انت...

سديته و شوي رن النقال....

اتصل بيه جليل.. رغم يظاهر يشاقى حسيت كلامه حاد و معصب..

: لك كلب ابن كلب.....  عازمك على كعدة لو تدري منو  راح يجي...

استغربت و بضحكه كتله
: الله يستر من جليل.  و سوالفك بس لا رديت للماضي..و حنيت

: تعال لبغداد والله راح تتونس عازمك... و ضاملك مفاجأة.. يا كلب...

:  اليوم توزع كلاب شجاك منو  عاضك و ساعرك علينا وصاير تنبح يمي...