براكين الشوق

«١٢»

.
#

ينبوع_الحنان١٢

سولفت يم بت ليل دكاتك وياي
كالت الصدك ينكال اني اشرف هوايـــــ
يرد عليها

ولك لو اكدر اني انساك صدك نسيتك
حللت دمي اليوم بالدم لكيتك
ــــــــــــــــــــــــــــــ

سولاف

بعد رزالة من ماما منال..  اندك الباب راح علي يفتحه شوي دخلن علينا نسوان ذن مرته و عمته لعلي...

فار دمي كلش كامت ماما منال

: ها جمايل شعدج انت وبتج؟ خير يا طير؟

: و الله يا ام علي  ابنج رد مرته لبيتها شبيج متفاجئة نسيتي الكعدة شلونج يمة وعودة كبرانه... و صايرة عروس....

منال : تبسمرين ببنتي مو؟ لو تموتون  بناتي ميرحن للسكارى و الكبسلجية.... من عشيرة رجلج....

وانت ولج يا ام الزلم لا تفرحين والله ما اخليج تبقين على ذمة ابني.. خاف ورط روحه اني امه موجودة..  و يجي يوم اطردج..

شفت عمتهم تباوعلي

: كل هذا على مود هاي.. شمر بنتي و طلع ابنج مو خالي متورط وي هاي اليهودية

سولاف : لا خالة هو ما متورط  شردت بسيارته نهيبة هيج اسمها...
وتزوجنا  لأن احبه   اكثر من سنه...

كرصتني زهراء،و شاورتني

: سكتي لا تدخلين  هاي تدور لزمات على علي. عابتلج صدك ميكذب علي منويسميج ام وجه الفاهي..

جمايل :  قصدج علي نهبج من اهلج و انتم واحد يحب الثاني... ومن اكثر من سنه لعد يا منال جنتكم حجتها ليش ورط بنتي بزواج و تالي عافها على مود هاي الفاهية شعجبه بيها
شو دمها جامد...

عضيت لساني لا احجي  هاي عبالها اني و علي جنا علاقة
بس خليها تعتقد احسن حتى  احرك كلبها فحجيت  مكدرت ما ادخل الا اغثهن...

: اي سنة عشق و حب بينا و بالمعرض جنت اروحله بالليل و حتى...

لزمتني زهراء

: تعاي يمعودة... شجلبتي لا تحجين..
وخرت مني زهراء
: شوفيها شتكولي و تردون اسكت...؟

جمايل : لا عمة احجي لسكتين....وانت زهيرة..
لشنو ماخذتها خل تطلع سوالف اخوك..

روز : مو كتلكم لو مسحور لو مخبل هاي اليهودية مسويتله سحر يهودي صعب و عاميته

منال : كل واحد يشوف الناس بحكم اطباعه..

يمة سوسو.  بعد كلبي روحي وي البنات المكان صاير يخنك

جمايل : لا متروح الا الحجي هذا تحجيه يم  اخوتي خل يشوفون علاوي الفطير شطلع منه