براكين الشوق

٦٥

بارت تعويض الطالبتوني بيه
بس منا ورايح مو يومي النشر بين يوم ويوم او كل يومين مثل ماهي مواعيدنا
الرواية قاربت تنختم كم بارت ونودعكم بس اصفي احداث اولاد رضا ومنال..

بلغتكم عدت نشر بارت ٦٤ لان بنات خطية موصللهم وحذفو القصة رجعوها ومطلع لمن عدتلهم نشر، هم خطية هم يردون البارت و كتبت ملاحظة الكم اعلى بارت ٦٤ بس الظاهر مقريتوها والا معلقتم... تعليقات تبين مقارين ملاحظتي حتى تعرفون ليش عدت نشره

المهم حعوضكم بهذا بارت جديد..

ـــــــــــــــــــــــــــــ
#براكين_الشوق٦٥
«ما بين الطيف و الواقع»

وعد..

الانتظار صعب..

بقت امي يوم كامل بين الحياة و الموت..

بس اليوم الثاني تحسنت بشكل ملحوظ..

اني بقيت وياها خلال هاي اليومين..

تقرر ثالث يوم يطلعوها من المستشفى.

اشوف امي تبتسم والولد لازميها يسندوها تكعد بكرسيها
شفت تباوعلهم بفخر

:شنو رجال و يقهرني اني ابية عزيزة النفس اني فرحانة بيكم ولدي.. اجمل دلال تحس بيه المرة من اولادها يدللوها هنا تحس تعبها مضاع ولا سهر الليالي على المكينة و رجليها الي راحن من ورى دوس دولاب الرجل..

دنك غيث باسها و علي دار وجهة يضم دمعته..

رجع دنك يبوس ايدين امي وهو حذر لا يلجم وين الكانولا..
بس رجعت امي تستهضم مدري عمي شمحاجيها لدرجة عيونها تلمع بدمع و صوتها يتكسر العبرة بصدرها

جرت حسرة..

: علي عمك هضمني جنه ملني مكام يصدك بية.. اني خسرته للابد.. اني غلط مو؟ معرفت اصير زوجة لا لابوك لا لرضا تدري ابني لو ظالة بيت صالح اخوي ممزوجة ومرت اخوي تكفخ بية ولا خسرت صحتي و زوجي و حبه الي. مجان هيج وياي ممتعودة تجافيه الي. اكيد مستكعدلة مرة هناك مشوفوه مكام يفرق عنده تواجدي تعود اني مو يمه.

باوعلي علي مستغرب ورجع باوع لامي..
: ليش انت يمتى اتصلتي بيه؟!

: اني كل فترة من اصير زينة اكدر اراسله لو اخابر اشتاقله مو بيدي بس مكام يصدكني
عبالة اتمارض وابرر كعدتي يمكم حتى اعوفه.. لو عبالة مدري شنو شو معجبني اخر مرة انهد بية وكلي لزعجيني بعد احسه طردني من حياته الى الأبد احتمال لكالة ونس غيري.

حضنها علي يطيب خاطرها

: يخسا تحتاجين زلمة وولدج يشمون الهوا. يولي لتراسليه ولا تتصلي بيه او حتى تهتميله رجعي ذيج، امي الأبية الي مطخ راس لأي كان.. لتخلين المرض يذلج لاحد يمه انت راسج مرفوع. بس كون مطلبتي منه مساعدة.