براكين الشوق

31

.
#براكين_الشوق31

منال  ...

اتكلب..   حسيت الم براسي

كعدت اخذت حبوبي.. 

على كعدتي كعدت وعد بنتي

: يمة احبج

حضنتها
: يا بعد كلبي. اني هم احبج

: ما تكدرين تنامي.. هاي ريم امس تكول ابوي
يريد يثبت ديكورات جبس بورد لأسقف بيته

متفق وي عمال بالليل الشغل لأنه بالنهار مفارغ يشرف عليهم

خليت وجهي بين ايدي
ما اكدر انام وعد عادي عدها نامت جفي على بطنها

غطيتها.. و اني كعدت ايدي على خدي..

عساك بالهجمان يا رضا
يعني شكد مغثة حتى ما تكول مرة مريضة و  نايمه

سمعت صوت بجي بت علي هاي امها نايمة اكيد..

كمت على حيلي وهم اجتني دوخه

رحت غرفة المصيوبة روز و شفت سولاف تريد تذبح بت علي
خليت ايدي على صدري و صرخ

:انه امك يا علي  .. لج سولاف تخبلتي...

ظلت تبجي : باكت مني شغلة ما ترجعها

: شو عوفي السجينه من ايدج لا اخلي علي يكسر ضلوعج هاي طفلة شنو ذنبها
عندج حساب خليه وي امها بس ترى تقتليها تنسجنين

تلفتت و هي جنها اقتنعت

: ماما منال باكت مني الجيس مال المخدر واني ما اكدر اعيش بلياه

اها هنا الحجي.. ظليت اباوعلها بترقب ايدها ترجف وهي كاضة السكين..

: يمة سولافة عوفي السكين و تعاي اني انطيج المخدر يمي

وسعت عيونها

: يمج و ضامته علي حرام عليج...

تلفتت على روز وهي تحاجيها...

هج تعاي اخذي بتج امداج كولي من الاول مو يمج دواي بلة ذبحت بتج

خذت روز بتها بساع. 

و هي تحضنها وتبجي وترجف على ضناها

اجت سولاف الي و بحذر كتلها

: تعاي انطيني هاي خل نكعد  نسولف وانت شربي دواج

الحلو بسولاف بساع تتقشمر... او يمكن تصدك بية...

بس اني  اخاف عليها مضطرة اراوغها..

حضنتها وهي تبجي

: فدوة خلصوني من معاناتي

: راح نخلصج بس شلون وانت تردين تستمري

: مو بيدي و الله...

اخذتها لغرفتي

: ابقي هنا اجيبلج الجيس مالج..

ردت بلهفة

: اي انتظرج..