براكين الشوق

٥٠

#براكين_الشوق٥٠
الحب الأوحد
ـــــــــــــــــــــــــــــــ

عالخير كالوا عاشرت
شبسرعة ليش استعجلت
المن بعد رايح تحب
لو عالخيانة تعلمت

سولفلي نظرات العشك
منك بدن لو منه
هم سولفتلة عالغزل والحب مثل ما جنا

هم كتلة غيرك ما احب
سمعته دكات الكلب

لو بالجديد تطورت
عالخير كالوا عاشرت
💔💔💔
ـــــــــــــــــــــــــــــــــــــــــــ

الظلمة مو بغرفتي الحابس نفسي بيها من اسبوع..

هاي الغرفة الي بسردابي الي بيها
كل ذكريات  اعمالي وهواياتي و حتى
من اضوج اجي هنا لمن صفت غرفة زواجي وي سولاف.

من فترة رجعت جوة ببيت امي وتركت المشتمل لغيث...

بعد صدمتي بموقف سولاف..
زادت غربتي...

الظلمة هنا بأنهياراتي. 
اسوء حالات البشر من يفقد  فلذه، كبده..

صعب نسيان ضحكة ملاك و لعبتها و صوتها حتى من تبجي ومن تجيها ازمة مرضها..

حاضن لعابتها بلكت اشم ريحة بنيتي...
العطر المفقود الي دفنته جوة الكاع. 

شماته سولاف بيه.   زادت من ضعفي وانهياري.

ملكيت سند الي بهاي ازمتي الا امي..

الي اخذتني بحضنها وهي تحاول تبث بيه الأمل. 

بس عن اي امل واني الي مشفت بحياتي يوم راحة. 
و مأساة حياتي المخربطة بين زوجة طلقتها لأن مو زينه
و بين زوجة ثانية تمردت و اعرف الذنب ذنبي..

وبين فقدان و خسارة ضناي.

من خليت راسي على صدر امي الكبت والبرود الي صابني بموت بنتي بسبب صدمة.  .

تهشم انفعالات اب فقد بنته

انحب واني اضم وجهي بين ضلوعهة

:  يمة بنتي راحت يمة ما شفت راحة بحياتي... لج يمة دبريني اريد بنيتي...
يمة مشفتيها مفرفحة بدمها و عيونها مستحيل تفارقني و الله يمة كون يمي الساقطة الا اقتلها..

ظلت تسرح على شعري و كلامها نفسة هو اي نفسه الي كبرني قبل عمري

:  علي انت جبير اخوتك السند الهم انت نبع الحنان القوي يا ابني..  احمد الله على ما ابتلاك وهذا اختبار من ربك

صحت واني ادك على راسي

: صبرت سنين يمة وضاع عمري ومشفت بيه شي يمة تكليلي اصبر هذا اختبار الا الضنه يمة شيصبرني افشل بالاختبار ربي ردلي بنيتي

دخلت خالة بشة على صايحي وهي تبجي
: خالة على كيفك وي نفسك..

رجعت حاجت امي