براكين الشوق

20

بارت يجي او بعده نرجع للحاضر

.

مشاهد النزلت نهاية بارت سابق بيها خطأ صححته من سردت هنا

ـــــــــــــ

#ينبوع_الحنان٢٠
شكول عليك اكول انساك
روحي وياك
شكول عليك اظل زعلان
مر فركاك..

و مثل فزة طفل روحي
تفز لو سمعت بطرواك
مثل وردة شحيحة ماي
مزنة مطر تتنخاك
و اكلك هاااك
شوف جفاك..

شوف شسوى بية جفاك..

ـــــــــــــــــــــــــــــــــــــــــــــــــ

سنة 1986...

(وصلت  الحرب مرحلة انو ايران لازم تحتل البصرة

كثفت ايران القصف بالراجمات. 
و بدت محاولات  التوغل  بالاراضي العراقية تمهيد لأحتلال البصرة..)

صوت الفرجة واني اجلي بالذهب الي كلفني بيه عمي.. بالي بعيد هناك بالبصرة الاوضاع،مو زينه الف حسبه و حسبه  ببالي.

حتى فكرت اروح اطمن عليهم و اقنعهم يجون.
وياي للنجف.  الحرب وصلت مرحلة البصرة صارت ساحة  معركة..

اتصل بينا خالي. 

جان حسين يحاجيه..

:  ها خالي اي احسلكم تعالوا كلكم للنجف..

اخذه ابوي منه و يتفاهم وياه

:  بيتي جبير تعال و هلا بيك..  اخليكم على راسي ليش تنتظر لمن الكالكم بيت..

العالم  هواي جاي تنزح من البصرة..

عفت  جلي الذهب و كمت بساع اخذت التلفون

: خالي.. تردون اجيكم..

ابوي يكرص بيه و يأشر براسه لا..  يخاف من الصواريخ.. تستهدفني. 

ابتسمت لتفكير ابوية...

واني اسمع خالي

: المن جاي وليدي احنا نجي.. تركت منال ونورية يرزمن بغريضاتهم

صالح التحق.. و بالي يمه معركة بحيرة الاسماك هو مشارك بيها

: خير ان شاء الله ننتصر و ترجع اراضينا المحتلة و يوم ترجع الفاو.

: امين وليدي...

سديته منه واني فرحان ااااخ ثلاث سنين ما شايفج..

لملمت الغراض و اخذتهن لغرفتي خليتهن بالقاصة و قفلتها

و تمددت واني اطرب بطبعي احب ادمدم اغاني

(يا نبعه الريحان حني على الولهان يابه على الولهان)

اندك الباب و دخل حسين ابتسمت و اشرتله يكعد

: اليوم تطرب يا رضا!

: اي والله.. الواحد شبلقية بحياته،