براكين الشوق

الجزأ الثاني٧

#براكين_الشوق٧
البدوية والمجنون

كسر مجداف عمري بزحمة الروج
و نكل بية الزمن يم اليكرهون
خفت همي تكشفه اسرار العيون
خيطت النظر عن لا يشوفون
وخفت شماتي تصرخ اي وكع طاح
وكفت رمح على جرحي كبال
و لجمت الجرح لا يصرخ اخ..

..............
ظليت اون.. و اهز براسي اريد العصابة الي شادين بيها عيوني تزحزح من الاحتكاك بالارض النايمة عليها..

اول مرة احس بخوف.. .

انفتح الباب جان يخابر
: وصله تهديدي اخوي مقابل اخته او اول خليه هسة ميت خوف فد يومين ثلاثة العب بعصابه يا الله اساومه اخوي مقابل اخته.
يلة الله وياك اي الله كريم..

صوت ثاني يمه
: خوية باوع للبنية ما تشبه الصورة هذا جنه غلطان

صيحة من صاحب الصوت المميز ببحته..

: شنووووو
ركضه تجاهي، بجيت بخوف واني اتخيل راح يعتدون علي..

انجريت من كماشتي من فوك الحجاب.. حتى حسيت الدنبوس ببلعومي.. بس ما انفتح.
ااااخ...

: انت اسيا حسين؟ اخت غيث مو؟ سهلة اخوج جارم بأخوي ظلم... يا حلوة من ادزج اله وجهج خريطة نشوف شنو رد فعله..

: لا.. اني مو اسيا ابد..

ضربني راشدي و من شعري انشمرت للكاع وهو بجنون عصب نزل بية رفس

: لا تكذبي. انت شسمج ولج اخوي مريض يموت بيدين اخوج بالتحقيق اليوم لسويها سواية اندمك يا غيث...

رديت بخوف واني اشهك..

: اريام... بس يصيحوني ريم او ريمة..
او ريام.. و غيث مو اخوي اقسم بالله

شوي صاح على ولد.. صوت ركضته عرفتني هذا خايف من رئيسه

: هذي مو المقصودة دبرني بيش الوي ايده الولد بيه ربو و البخاخ مقبلوا ياخذوه اله.. اذا اختنك يموت.. بيدهم كلي شسوي ورطوه وماله ذنب..

شلون هسة كلي...انت غبي اوديك تجيب اسيا تروح تجيبلي غيرها...

صوت الي انتبه اني مو اسيا هم رزلوا صاحبهم..

اصوت البيه لكنه مميزة: كتلك جيبلي اخت غيث.. تجيب غيرها.. اليوم اشعل عشايرك ولك ردت اخت غيث.. ولك بيش الزمة هسة اخوي راح مني...
: اخوي بريء و الله.. و هذا الضابط واحد كلب حاشى جده رسول الله. وصلت منع نشوف اخوي الله يدري بحالك خوية .
جبرني لهيج اسلوب.. رخيص جبرني اااخ راسي

شوي سمعت شي انزكط و انكسر.. عرفت رفس شي برجله و كسره..

بس شوي و حسيته تقرب مني.. جرني من حجابي وين كماشة شعري الي حسيتها بيده انكسرت و هز راسي

: هذا الغبي الخليته يخطفج،.. يكول انت وي اسيا و اخوها تمشن . انت تقربيلهم شي؟

نكرت صلتي بغيث ممتوازية هو شحصلنا من ذرية عمي حسين ومن امهم الله يرحمها الله وكيلكم بس المصايب و القهر.