براكين الشوق

44

#براكين الشوق٤٤
الحب الأوحد...

بقلم
نـޢޢۅرـ  بـصـ≋ـرـريّےـ

اصيح و ما لكيت انسان  يسمعني
علي صارت ثگيلة الكعدة والنومة
ــــــــــــــــــــــــــــــــــ
غيث...

نزلت مجاز  على مود عرس رياد.. سمعت بامي متخربطة بس ما رحت كلت تطردني..

فأتفقت وي زوزة اختي من تنام تتصل علي

و فعلا ورى منامت...

رحت عمي جان متمدد بالصالة ايده على كصته مبين تعبان
و مهموم ما اعرف اذا اكو مشاكل  بينه و بين  امي  او حياتهم مستقرة.. ما عندي معلومات بخصوص امي...

اني الابن المنبوذ من العائلة...

اعرف امي احتمال من رايحة سائلة عن البنية كايليلها ماتت ورى امها..
اني هيج اول بلغوني بس ما صدكت وعرفت براء هربت مني..

ظلت امي تلومني على اخطاء،مراهقتي.. و نبذتني بسبب الكرستال الجنت ابيعة وسبب سوايتي ببراء،وزواجي دون علمها..

نزعت بيريتي و خليتها  ببزيم الي مستقبلا تتعلك بيه الرتب  دخلتها جوة البزيم على متوني.

و ندهت عمي....
: شلونك عمي،رفع ايده من عيونة وكعد وباوعلي
وهو يفرك بعيونه مسح وجهة ورجع باوعلي وصوته بيه بحة حزن وتعب.

:هلا غيث هيج كلية الشرطة تسوي زلم متغير شكلك كليًا...

: بعد كبرنا.. و تجاوزنا المراهقة...
مبقى شي واتخرج..

:الله يوفقك جنت اتمناك طبيب لو مهندس بس ما تكولي.. شنو سالفتك وي امك كلما اسألها تسكت لو انت تشرد مجاوب...  شمفين وياها لدرجة تشوفها من تنام و بالبوكات...

دنكت ساكت..

: استغفر الله روح عمي روح شوف امك شوي واريد اكعدها  تاخذ،العلاج.

دخلت اشوفها صفرة و مبينه ضعيفة..

دنكت و بست راسها مكالمة اجتني انطيتها رفض سويت نقالي  صامت
رجعت احاجي امي وهي نايمة بتعب ما تدري بالدنيا طشت لو رشت

: يمة يمتى تسامحيني وتحني علي مو جنج طولتي بعقابي يمتى ترديني لحنانج. رديني قبل لا كلبي يجفل وميتقبلج بعد حتى لو عفيتي عني..

غطيتها زين وطلعت..

راد عمي يبقيني بس ما قبلت

امشي بين الازقة واني مهموم احس نقالي،يهتز بجيبي من سويته صامت مطفيت الهزاز

هذا نقيب صالح واحد من جماعتي الي اشتغلت وياهم
مخبر سري عن العصابات..

هو انقل الى حمايات و...
يطلعون دوريات بالمقابر.. 

فتحت خط انصدمت بلي كاله الي
سديته منه ورحت للمركز و اني،اتصل بعلي،ماكو اتصلت بعمي و بلغته بكولشي..