براكين الشوق

٥٦

#براكين_الشوق.. ٥٦
القواعد الخمس

القاعدة الاولى.....⁦1⃣⁩
الشوق والرزق متشابهان  ..
الاثنان يأتيانك من حيث لا تحتسب
انا لم افقد الذاكرة ..
الذاكرة هي التي فقدتني

(لن تموت ان خسرت حبيبك لكنك ستعيش كالميت ان خسرت كرامتك)
منقول

ـــــــــــــــــ
ظليت واكف وساكت مثل بلاع الموس كضيت عمري ساكت..

و النتيجة اني الأخسر.
جنت ناوي بهدوء افهم منال بيني وبينها بس مجنت ناوي اكوللها احتال علي. 
وسرقني واني عمه الي ممقصر وياه..

كلت اشوفلي عذر ابين شلون اخذ الفلوس. مني

بس الصار مكتوب تنكشف الحقيقة

الذنب ذنبي..  لو جنت ذكي ربطت بين تردد رياد وبين الهجرة والناس التطلع
لو جنت ذكي كدرت اعرفه  كذاب و يريد يطلع بس اااخ بعد صارت

و الي خدعني دزولي مكاتبة بالدين..

نظراتي وي منال التقت هي عيونها ترمش بساع مثل الترفض واقع اني السبب ولو سبب غير مباشر

سألتني:  انت..  انت.

ظلت تكرر الكلام ركضت هاجر بت حسين و جابت مي

بس منال وخرت ايدها..

: ما اريد..

انتجت على الحايط وصرخت صرخة أم مقهورة..

: ولك ليششششش مو اني   منعت احد يساعده.
ابني واعرفه من كولش ينحصر يرجع. 
ولك ليششششش  ما فكرت بيه مكدر اعيش بدون اولادي.

رديت بخجل الموقف صعب واحساس الذنب قوي

:  خفت ينحرف.. ادزله مصرف بس والله على كد حاجته... 
بس...  بس...

سكتتت..
ودنكت بخجل...

صرخت وهي تهجم علي.. بشراسة خمشت وجهي بضافيرها..
و على الصايح دخلوا ولدنا من الشارع مصدومين بالمشهد

:  ولك ليششش ابني راح مني.. ليششش مو كلنا التزمنا..  حتى يرجع ليش

ظلت بأنهيار تحجي وما عرفت شجاوب  حالي والموقف الي انحطيت بيه لا يحسد عليه.

منال : لو غيث اكول اي يندرج بس رياد فقير افقر ولدي ميسويها اذا تأزمت يرجع..

من صغرهم ارفض تدخل بيهم احساسي يكولي تدخلك ميجيبها للبر و هذا الصار ولك اني دزيتك ترجعه مو تقتله
ظلت تضرب بروحها وتأشر بيديها و تشهك وايدها على صدرها وهي ترجف

همست: منال هدئي خلي نتفاهم..
شاب بالغربة وبكل المغريات وياه زوجته صغيرة شتتوقعي اتركه ينام بالشارع وياه عرضي يا منال بنت اخوية فضل مو بحدة هو.

مضطر يا منال والا اذا قررتم تحاصروه مدزوله ليش زوجتيه
ورطتي بنات العالم بيه وهو واحد هوائي...