براكين الشوق

الجزأ الثاني 10

الجزأ الثاني 10
#براكين_الشوق10
البدوية و المجنون.

ما مرتاح
عيوني تستحي بس الدموع وكاح
ما مرتاح منك مني من  العدل من المات من   الجاي من الراح ما مرتاح
عركه وي الزمن ورجعنه مكسورين بعيده المسافه وينسي اللي طاح مامرتاح

مامرتاح لأن شفت الشمس نزلت تبوس الكاع وبجف الطفل تنلاح ولأن قاضي البلابل مدد التوقيف ومفتوحه السما والفيل عنده جناح مامرتاح

مامرتاح من ربعي ولامرتاح
تمساح بنهرهم صاحوا من الخوف وجازفت بحياتي من سمعت اصياح صارعت المنيه وبيده هزني الموت
ومدمى اطلعت صفكوا للتمساح كل هذا وتريد ارتاح مامرتاح

مامرتاح من ربعي ولامرتاح نادووني وركضت ابليل
ايد الرسن بيها وايد بيها سلاح عثرت مهرتي وربعي قبل ما طيح واحد كًال للثاني:ابشرك طاح ابشرك طاح

بشة...

صعدت فوك مشاعر مخربطة ما اعرف لوين ناوي يوصل رضا..
صعدت فوك مشاعر مخربطة ما اعرف لوين ناوي يوصل رضا..

وهاي المتصابية الجوة حيل مستفزة حتى اولادها يحسون بخجل من تصرفها

خرب غيرتهة نرفزتني خلتني اجوع.

    فتحت الثلاجة لكيته جايب حلويات و نساتل.. و حليب سائل كارتون..

اكيد لاياس... 

حسيت بحركة وراي شوي حسيت اذا اتحرك انردم بيه فبقيت صنم مكاني..

بوسة على ركبتي وهمس..

: تتغذي زين انت حامل..

غمضت عيني مكمت افتهم شيريد مكمت اعرفه هذا شزوفرينيا بيه مبيها مجال.

همست: شكرا..

همس: لتغارين..  هاي تحصيل حاصل.. فضحتنا بالدول تزوج تطلك.  جبتها هنا  بس تعترف  ..  حالها من جمايل ممنوع تعتب الباب.
كافي فضايح.

رديت بساع: واني شعلي..

درت بين ايديه متوترة

: بس، شوي وخر افوت.
همس يم شفايفي

: شغايفج. 
و دمعت عيونه: من اركز بملامحج نفس ملامحها.. مدري اني كمت اتوهمج هية..
معقولة روحها سكنت بيج فكمت اشوفج باخر ايام هي رجعتلي.

خليت ايدي على صدري...

: رضا لا تتوهم مترجع.. انت تتخبط تحاول بية وبشكرية واي امرأة تدخلها حياتك حتى تنساها وسيلة سويتنا تلهي روحك بس لازم تقتنع اليموت ميرجع بس يجي يوم احنا نروحله. 

: اششش منال.   مشتاقلج..

حضني، بكل قوة وهو يتحشرج صوته و يهمس

: اويلي.    شكثر مشتاكلج.   اويلي يا ظالمة هيج تحرميني منج..

ظليت مصنمة بس دموعي هي الي غسلت خدي بس مغسلت اوجاعي..