براكين الشوق

«16».

#ينبوع_حنان١٦

#زهراء.

اتصلت بمسار
: جاي تشتغل..

: شردت.. وكعت بعلي وانمار وعباس

اجي اجيك ضغط عمتي ابوية وصاني كال تهمل روحها قبل ايام متخربطة عدنا

زهراء : ابوك يغث بيها.. و الله شردت يم بيت عمي فضل هي ووعد
ورياد غيث شرد مدري وين

: انت بحدج شلون يبقوج وحدج؟

: شعلي.؟...

ربع ساعة اندك الباب فتحتة

: مسار؟

: مم اي.  خل افوت!
: لا ماكو احد بس سولاف و نايمة   وين تفوت؟

دفعني من صدري شوي... و دخل سد الباب و راد يقفلة بس شافني صرخت بخوف و شردت دخلت الحوش واريد اسد باب الهول ترك الباب و اجة يضحك..

: لج خوافة شبيج اجيت يمج نتشاوف و نسولف شبيج خفتي.. مني و بعدين كتيلي وحدج شمدريني سولاف نايمة...

:  و الله نسيتها نايمة و ما اجت ببالي فكتلك وحدي..
عليك ابو فاضل اطلع علاوي ما يقبل فدوة اروحلك.. لسوي شي..

جنت منهارة لأن وضعه بين مو مال يعوفني

دفع الباب وكعت على ظهري

دنك و رفعني من ايدي واني انحب خافة كلش النوب اريد اصرخ بعلو صوتي صوتي انبلع شجاه بهيج موقف صوتي يروح مني.

حضني يهدأني

: يمعودة عجيب غريب امرج.  ترى جاي اشوفج.. و اخذج يم خواتي لأن بحدج.. بس كلت خلي بالأول  نسوي سوالف مخطوبين من ورى جني اخوج المعقد محروم..

حبيبتي لا تخافين ولله ما اذيج ولج اني مسار وانت بت عمي واني مو غبي ااذي شرفي باجر اموت واحطج بموقف مو زين لا حبي هي كم بوسة ع لمسة وحدة ثنين كولي ثلاثة هم ميخالف وراها نكعد نباوع تلفزيون او نروح يم خواتي اوديج ما اقبل بالبيت يعوفوج وحيدج

شوي خف خوفي بس اعترضت

: لا علاوي ميقبل.. تبوسني.  عيب يلة روح ما اروح يم خواتك جنة مدري شبيها وي وعد..
امس تعاركت وي اختي  .. عبالك وعد مدري شمسوية وخلت اختي تبجي

باوعلي و هو يضحك
:هدأي لتلكفين بالحجي و تعاي نكعد نباوعلنا شي الى ان تجي امج او اي احد وحدج معوفج هسة دخلت عليج احد حس بية اكو من اجة
اخاف عليج مثل ما اني اجيت غيري هم يجي و يأذيج.. بنية شابة متنعاف وحدها.. اخوج فالحلي بس بالعقد مالته...

: هو عافوا روز يمي بس طلعت لأهلها عدها مراجعة عود...و كتلك سولاف ماخذة مسكن و نايمة نومها ثكيل حالي من حال وحدي بالبيت