براكين الشوق

الجزأ الثاني 16

الجزأ الثاني... حلقة 16

#براكين_الشوق16
البدوية والمجنون..

ظليت اباوع عليهم بقهر صيحت وكلت

: بسس ما انكر وكفاتكم عادل نصايحة الدينية وحسن مواقفة هواي بس رجاءا
فهموني. دتحرجوني ثنينكم...

اخذت كتبي وعفتهم...

ركض عادل: لزعلين اوصلج
حسين جره: بشائر لتنخدعين و الشرب بطلته من عرفتج. ...

رجعت وكفت اباوعلهم شلزن يتعاركون بينهم

عادل: لا مو من شفتها لان جبتلك كتب تثبت عاقبة اليشرب شنو و خفت انت كلت الحك روحي اتوب.

حسن: انجب عادل اصلا من عرفتها قررت اترك الشرب والا انت من سنين تنصح و اني ازيد..

: حسييييين

: عاااادل...

تركتهم يجادلون.. و شفت سعد زميلي يباوع مستغرب استحيت و غطيت وجهي اللفكس قبل ناخذ بيه محاضراتنا..

و مشيت شوي احسه بصفي سلم

: السلام عليكم بشائر

: و عليكم السلام خوية سعد

: هذا مو استاذ حسن المعيد يدرس مرحلة اولى.. و طالب ماجستير قرايبج هو؟

: احم اعتقد فضول منك يا سعد..
: اسف والله بس استغربت العركة و ذول اساتذة واحد بكلية اداب لغة عربية و الثاني ادارة اقتصاد طلاب ماجستير و يتعاركون سمعت كلامهم بس نصيحة هيج عرايك تجيبلج سمعه

التفتت عليه: من الاخير معليك..

تركته و مشيت سريع طلعت من البوابة واشرت تكسي..

رجعت للبيت افور عصبية... شمرت محاضراتي و تمددت بالصالة على الكروته..

واني حيل متنرفزة كل واحد يريد يحدد حياتي وشلون بالجامعه شكلك شوشة المقيمة معيدين يتعاركون عليها..

نقالي الطابوكة يدك و اخر شي غلقته طفيته

و سلهمت بقيلولة لمن كعدت العصر اباوع للساعة

: عزا تأخرت.

رحت سبحت وبدلت ملابسي لبست بنطلون كابوي و بدي مموج تمويجات الازرق
جان موديله.. و لبست الكاب (صايا خليجي ) و الملفع (الشال )

اخذت جنكتي الكابوي وطلعت...
وصلت للمعهد.. شوي اجه الاستاذ انور

: شلونج شوشة
: هلو استاذ شلونك..

: اليوم متأخرة حسن قبل شوي خابر سال عنج

: اي اسفه استاذ متتكرر.. جنت تعبانه و نمت..

: كعدي شوشة اريد. احاجيج بموضوع

كلت يا ستار بس لا هم يريد يزوجني شطلعت هاي بس هذا متزوج. !