براكين الشوق

45

#براكين_الشوق_٤٥
الحب الأوحد..
بقلم
نـޢޢۅرـ  بـصـ≋ـريّےـ

علي :  و الله حالي، منك ما اعرف تفاصيل بس بيوم الي طلقت بيه روز جفصت امي جفصة انو عدنا اخت من ابوي و امها  فنانة رقص خشابة..

و بعدين سافر عمي ما لحكت اتفاهم وياه الى ان تفاجأت متصل بالكل مجمعهم لأستقبال الاخت المعنية..

رياد : مصيبه و طاحت على قبرك يا حسين و الله متبري منه مو ابو يومية و صادمنه صدمة العمر.

علي خاف تشاقه   من هسة اكولك لا تشاقى ترى دمك صاير، ثكيل.جنت شحلاتك هاديء،و لد رزن...

: ششاقى من يوم الي جفصت اني الح على عمي بس انطاني نبذة و التفاصيل من نجتمع و الله يستر.  شسوي كولي الرجل الجنت افتخر بيه بصغري واكول ابوي الشهيد حسين.
طلع شضام و شمسوي و الله يستر...
شوف لا تباوعلي هيج مو مخبل كدامك عدل نظرك و اني حالي حالك مصدوم والله اريدها من منو من نسواني وحدة ميت جلاق طلقتها خاينه دمرتني
و الثانية ما تقبل ترجع و طلعتني بلا ذمة وضمير.

و هسة يومية الوالد مخلف اخو بمحافظة و نلتقي بعد مرور سنين..
هو هذا الواقع الوالد متورط زواج سيد وي رقاصة خلفت نوارس الي الله يستر هن بنات  البغدادية ما لاكلي امهات لبس ربع ردن لو جبران خليل جبران اخوي ابو بنطلون و بدي لو نوح ابو لبس المخربط مال هذا وقت...
مسؤولية والله واني الجبير اوكع بيها

رياد : هاي اسيا مدري شسمها خو ما بعدها لبسها ربع ردن اكسر ظهرها والله..

: عوف كسر الظهور اني طبعتهن بأسلوبي على طبيعتنا و الحمد لله يطيعني اني بس خايف من بنت الرقاصة هاي شيلزمها ما تكولي.
: الله يستر والله كون نهاجر و نترك العراق قبل لا كم سنة يجينا اخ او اخت هم يطلع الوالد مشتهي مرة ومزوج و مخلف.  

ضحكت من ضيمي. و باوعت لرياد
: شدو روسكم يگرعان عمي يكول عن المدعوة نوارس.
ويلمح طبيعتها وسجيتها مايعة
ولازم نتقبل انوثة اخاتنا الي الله يستر، منها

«رياد»
كعدت واني اغلط

:  يعني مات و خلالنا يومية صدمة و يومية يطلعلنا اخو لو اخت.. شنو ذنبنا تذكر امي شكد تتعب تخيط تشتغل لو انت ما عشت طفولة وشباب كلة شغل.
تالي يطلع غني وعيشنا فقر.

مسحت وجهي و دمعه غدرتني

:لازم اطلع من العراق ادور بلد ينطي لاولادي حقوق يعتبرهم بشر مو مثل بلدي حكومتنا تعتبرنا بلا قيمة علي ساعدني انطيني فلوس  او خل نطالب ورثنا واخذ حصتي واسافر لا توكفون بطريقي.

علي : رياد احلامك اكبر منك و مغامرة و مجازفة ابني.. كض كاعك محل الاستوديو موجود اشتغل...
تريد تشتغل وي جبر ونوح اشتغل يوفرولك الفلوس الي تخليك بالقمة...
: اريد اعيش بالخارج اخذ فلوسي افتح مشروع واعيش