براكين الشوق

19

#براكين_الشوق 19
الجزا ثاني
البدوية والمجنون

حجيت ابررر...

: شي قديم تعرفه  تدري ميوم كذبت عليك الا هذا

: ظل بالي احجي شنو من مصيبة ضامتلي

: ما عندي جرئة خليني من اتجرأ بس لا تشيل هم مو شغلة مصيبة ابد..  بيها شي زين  بس اني جنت نذلة معرف بس والله مكدرت استمر

: كولشي مفاهم انت ناصبة علي

شوي كال: اوكفي لحظة وكعت محفظتي

دنك مشفته لان نقالة مثبته على طبلة
شوي رجع لكعدته و بيدة صورة صافن بيها و نساني ونسى وجودي

نزلت دموعي اني جبتها لروحي شبيه حسن و تبطرت بس القلب كلب ابن كلب ما يهوى بس الي يعذبه

همست: اني هواي احبك متعرف شكد ومتصور لدرجة مستعدة اموت لأجلك احبك فوك حبي لنفسي  بس دا اتعذب

اغار مو بيدي هذا الجنت خايفة منه من رفضت مقترح منال من رادت حتى لو بحياتها ترى رادتني ضرتها من قبل لتموت مجانت ببالها تموت اصلا

بس خفت لا يوم تغار هي واني اغار وتتحول اخوتنا لعداوة لذا رفضت

بس بعد انت قسمتي وربي قسمك الي
و مكتوب اتعذب واظل اغار، عليك رغم حبي الها بس اغار منها عليك حتى وهي ميته مو بيدي اقسم دا احاول بس مكدر

جان هنا يباوعلي وساكت.. يمكن عباله هو هذا السر المضموم عليه

معقب يمكن خاف يجرحني اكثر

همست: اترخص

سديته وهو هم ما اعترض ملتهي بذكرياته وجن المواجع يمه تهيجت..

ذبيت نفسي على الجرباية واني ابجي

راح اظل طول عمري انتظر يحبني وراح اظل طول عمري بعذاب ها همويحبني ولو قليل لو لا كولش ميحبني
الما يعرف تدابيره حنطته تاكل شعيره استاهل والله الواحد يزوج اليحبة لو ماخذة حسن حتى لو ما احبه على الاقل ارتاح من تفكير يمتى يحبني..

اشهك ببجيتي  كعدت بعناد اخذت باكيت كلينس امسح المكياج
عشتو يريد مكياج، و ترتيب من يخابر عبالك كون عروس يمه مو مجرد مكالمة

و يفكر بغيري.  و الله ما امنعه حقه بس مو بيدي وصل جنون حبي اله لدرجة الجنون بيه.. 
من حقه اله ذكرياته و حبة وعشقة من طفولة مو اني اجي بسهولة يمحيه على مودي

بس شسوي كولش صرت غيورة..  وصل خبالي اغار عليه من ميته احسها عايشة بينا.. 

بناته من اسولفلهن يضحكن علي يكللي ترى ميته معندج ضرة..

لو هدى تكول 

: ترى معندج ضرة لاحكته على ذكرياته وحنينة استجني يمعودة وحمدي الله شوفي الضراير الي بعائلتي
وربج زوجات صادق توصل بينهن حتى بالاسلحة البيضاء ..  قبق الببسي  من ترعص لو ذيج نخيلة..  و الزلمة واكع بنصهن.. لو يطلعنه من طوره و يحطهن ثنينهن يخلنه يتجاوز عليهن بالضرب لو يشرد من البيت يكضيها يم ربعه كوفيات