براكين الشوق

55

#براكين_الشوق55
الحب الاوحد

#نتلاكة يم الله بعد بالدنية ماكو ملاگه انا شظال بية وجملتني فراك.. يل خذت كلشي برحيلك
ما خذتني وياك..

#دارت السنة على ناس وانه عل حالي لا بنجف نحطيت ولا يم حلالي..
#حنيتلك واني ادري دربي وي دربك حلم نتلاكة
#ليش من اريد انساك
تجيني بالحلم وتكلي فنك

#مثل خيط الضوة بسرداب
احير شلون اضم حزني

#لهنانه حدك روح فاركني يهواي
ما يوسع التابوت جا شلتك وياي..
#ترس وجهي رحيلك شيب يعزم شيب..

#منقول

ـــــــــــــــــــــــــ

ساعتين..  تركت الكمب واني اروح اسأل وادور بين الجثث
الي انتشلوها الغواصين..

اجر نفس حاضنه نفسي ولساني يرتل اية من القران و دعاء
ظليت اردد.. 

امشي وظهري محني..  مكسور رغم صغر سني..

يارب كون مو وياهم يارب مو وياهم  ..  بلكت يطلع ضمن اليخت المحجوز. 
بلكت منتشليه ووياهم

بس اذكر تصوب ووكع من القارب..

ميعرف يسبح..
اذكر واحد تبرع يطلعة بس اختفواومشفتهم بعد

ظليت بحيرة بين عايش بين ميت..

بس بلكت الله ويطلع عايش احد منتشله..

واني اقترب من الساحل صخري..

رجعت لفت للجهة الي مصعدين الجثث..

اشوف الي مثلي يدور والي لكوا غرقاهم و الي انشدهو تخبل من هيج نهايات..
والي يوكف على الساحل بترقب بلكت يلكة جثة حتى يقطع امل عايش

ادور بين الجثث لمحته من بعيد
ايدي على كلبي.. وتنفسي سريع شهكات خوف...
اي عايش
الحمد لله عايش ذاك هو..

ركضت للكاعد وهو منزعيه بس بالداخليات و يردون يلفوه ببطانية

ركضت بلهفة و جريته من كتفه

:  رياد عايش اي عايش ممصدكة الف الحمد لله والشكر..

بس من تلفت الي اختفت ملامح رياد من مخيلتي. 
وهاي ملامح شخص اخر بس الهيئة خدعتني

بخيبة وخذلان تعرفون شنو واحد يتامل ويفرح و فجأة يوكع على وجهة من يشوف خطأ وكع بيه نظره

انحنيت  اكثر مكدر اصلب عودي ثكل مو طبيعي ثكل الهموم و الفقد يكسر المتون..

ايدي على ركبي بهيئة ركوع شلون الصلاة

بس جانت انحنائه يأس

:  ريااد لا ولك لااااا وينك ريااد

شلون عفتني شلون اعيش

بهسترية اتلفت... 
وكعت عالكاع منهارة...

اضرب الساحل بيدي
: ليششششش
طفلة وحيدة وبدار غرب شسوي بهاي الحال..