براكين الشوق

24

#براكين_الشوق٢٤
مرخوص بس كت الدمع
شرط الدمع حتى الجفن
جفنك جنح فراشة غض
و حجارة جفني و ما غمض
يل تمشي بيه وي النبض
روحي ع روحك تنسحن
حن واني احن...

عيونك زرازير البراري.. 
كلما رحة كل نشاط جناحها بعالي السحر
و الروح مني عوسج اكبر
ما وصل ليها الندى
و لا جاسها بكطر المطر

وصفولي عنك بالنباع تفيض و تعنيت ليله وي الگمر يا قداح من عندك عطر. 

سكتاتك سكت الخواطر بالكلب
مالي عرف بيهن كبل
كل جلمة منك نبعة الريحان بالدلال
ما تحمل ثكل.
وصفولي عنك وردة القداح
ريش جناح وقت السحر
وصفولي عنك
شال منك غيض
بستان الورد
و النرجس الرايد ستر

ــــــــــــــــــــــــــــــــــ

الطريق طويل... و الصمت اوجب  بدل ميجاوبها...

بس النظرات جانت بينهم تحجي قصص...

مو قصة وحدة لا حكاية..  معاناة...و كلمن جروحة بكلبه.. صارلها سنين مخزن و متقرح..

نظراته الها ونظراتها اله كفيلة بكلمة بلسان حالهم.... اعاتبك...اعاتبج

:

#منال

: تسأليني الي ليش احبج يا نولة

ليش لو اعرف الجواب..  لكيتلي علاج.  و كصيت حبج من جذورة....بس كل ثانية تمر يزيد حبج ووياه تزيدين انت بعد و منال صعب الوصول اله وازيد اني عذاب والم و حنين وشوق مدفون الج..

تلفتت اباوع للطريق تجاهلت عتابه.  
الصدمة بحسين قتلت ثقتي بنفسي
الصدمة لمست داخلي بعنف...
و شالت غشاوة السنين.. الوهمية العشتها

بس الصدمة اكبر من ارجع احن لحب مدفون..

انهياري جان اوجب اخذ جانب البعد عن اي رجل ممنوع ادخله حياتيى

ليش نسيت رضا شسوى بيه...

اخ يا سنين الوهم من جان  حبي لرضا  باقي بس جنت احمي نفسي بحسين  بس هسة احس الدرع الي سنين جنت اختل وراه تهشم هسة شنو يحميني منك يا رضا..
من عيونك من شفايفك من حنيني لحضنك...

تذكر يا رضا بيت الطين لسة من اذكر احس رجفة حنين ليش خدعتني و خنتني...

لهاي الدرجة عندك رخيص حبي..

انت و اخوك حيل اذيتوني.. و مالي بعد حيل...حتى استمر.. لهنا كافي ولهنا نهايتي...

انتبهت الطريق طال والاتجاه اختلف

:  هاي شنو مو طريق البيت

:  نحتاج مكان نحجي بيه.  
لحظة من العمر يا نولة خلينا نبوكها.  

عمر كضى فراق لا تستعزين علي هاي اللحظة
نلزم ايادينا و نمشي مثل المراهقين و عيونا تشابك بلحظات شوق..
مثل البراكين...  الي ثور.   بالحمم من بعد. 
ركود لسنين..
شنو رأيج...