براكين الشوق

«٦»

.#براكين_الشوق٦

صح اعتب جبتها و عود هم اعتب
بلة بغيرتك انت هم تعرف تحب

تعرفه الحب شنو اشرحلي واني اكلك
يتعب لا وحقك انت الي تعب..

تتحجج علي ما افتهم شتريد
تزعل تختلف و بسالفة جلب

ــــــــــــــــــــــــــــــــــــ نبدأ

اندك الباب حيل
الحك علي الحك بساع انمار هد علينا

على الصايح طلعت بساع و زهراء متخوفة وهي تلزمني

: لا تتعاركون ولد عم انتم هو معصب من غيث و حقة الولد اذا غيث  داكة ناقصة...

همست واني مخطوف لوني شسوى غيث ابو المصايب

: لا تخافين تنحل  بالتفاهم.. و شوفيلي غيث خل يتبعني اشةف فلمه وي انمار شنو هاي المرةة

لكيت امي بالباب تتوسل بأنمار

:  يمة توه علي كسرهم تكسر، روح لأهلك وليدي كافي مشاكل و شتريد يجرالك بس خل يفوت اليوم سلامات علي هسة معصب منهم و الله يموتهم...

انمار :  وينه خل يطلع غيث الكلب وين يروح مني اليوم..
طافر على بيتنا من السطح بايك طيوري و بايعهن... 

و الله عمه باك طيوري و باعهن حتى المينا بايعها و لك غيث اطلع ولك كلب اعلمك..
تغدرني و تبيع شحرورة و تبيع  ابو عرف.. اني اعلمك... عمة بايع كلشي ممخلي لا ببغاء لا ديج  ولا بلبل.   الاقفاص فوك باح. فارغه...

منال :،  يمة شلون طلعهن كلهن و باعهن  خاف متوهم... خاف ماكلتهن بزون دور زين بلكت رجل جناح باقي حتى تتأكد بايعهن..

ظل انمار يلطم وجهة بعصبية

: عمة انتحر عمة اشك هدومي اكولج بايعهن تكليلي جناح و رجل شحاجيج بعد ربي ابنج زين مخلا علي طير كلهن بااح و الله بايعهن بايعهن.....بعد شتردين بايعهن...

طلعت و اني معصب

:  يمة رحمة لأبوية دخلي.   منا الوادم وانت استاذ انمار فوت.   جوة نتفاهم منو يكول غيث شفته بعينك! و لا صيح على امي لا اكسر سنونك بين فجوجك...

ظل يبجي مثل الطفل

: خوية طيور بامان الله ليش يطفر يبوكني طيوري و يبيعهن خوية انت انصفني...

علي : انمار صدك جذب خوية شو تعال فوت..

فوته و اني حاضنه من جتفه سانده مدخلة محني عبالك ميتله بشر