#براكين_الشوق 1
ابو عليوي
عشكك شعر مو مجرد كلام
ما كتبته شلي بالاقلام
رسمته بنص الجفن وي الاحلام
يطوف بعيني كل مسى وصبحيه
ابو عليوي
حبك بالاوردة جرى والشراين ..
جرى دمي وي دمك محاضن العاشكين
ونخيت الله بجاه كل نبي و المعصومين
يحفظك الله وتبقى خيمة تفيي عليه..
ابو عليوي اخذ مني وعد
اريد اقسملك بكل معتقد
لو غبت عن عيني لمن ترد
انوح عليك كل صبح ومسية
ـــــــــــــــــــــــــــــــــــــــــــــــــــــــــ
♡منال....
دكات على الباب اكيد اجه حسين..
رحت فتحت الباب..
اشو دفعني و سده حيل وجرني بكل غضب وهو يسحل بيه لغرفة النوم
دفعني بعيد و بغضب
: شعندج متعاركة وي رضا .؟ مو كتلج الفات مات و انتم اخوان هسة ..
باوعتله مرتبكه
«شعلي بيه واحد لزكة حسين لا تعصب اخوك ما عندة ناموس ويكول مرت اخوي نظراته و ينطي كلام كلة تبسمر تقبل اسكت؟
واحد الدنيا زايعته و حرامات هذا اخوك..»
«منال لا تضخمي الامور رضا اخوي ان جان» رايدج هذا ماضي...
انتهى كبرنا خلفنا و هو عاهدني بعد يعتبرج اخته ميخلي مرة تفرقنا.
جريت نفس ووخرت ايده الي حفرت صابيعه زندي...
« شكد تافه اخوك.. شلون داير عقلك.. عبالك ارد اخرب بينكم مو لأن جنت وياه من زغر اعركه و جان يضربني.
لو عبالك لأن جان يريدني اتبلى عليه و اكلك لسه عينه نگسة على عرضك.
هذا واقع ليش تضوج.. اخوك واحد سرسري.. ولا جنه شكبرة...»
ظل حسين يحوم.. رايح جاي...
ضجت كلش من موقفه حسسني مرتكبه على اخوه..و ظالمته والله زمن يخلي للرگه كرون و تشيل خشمها علينا..
طبعي ادردم بس حسين يكره هذا الجانب بيه
لذا اظل ادردم بكلبي وهسة اني ميته قهر من رضا عساه كون يصيبه اسهال و هو بمحل صاغته ويصيرله فضيحه كدام ربعه...
فكرت بدعوتي وردت اضحك بس باوعت حسين لسه معصب من عركتي وي اخوه..
عاد رجعت لزمت ايده و كعدته
عالقنفة البسيطه...
«ابو علي اسمع مني.. ولا تمجد برضا ترى ثنينا نعرفه اناني و حقير... لو نسيت شسوى.. بس حتى ياخذ منال.
بس اني مرة بت مرة ما انطيته مراده كدام كل الوادم كلت غير حسين ما اخذ...»
أنت تقرأ
براكين الشوق
Romanceرواية باللهجة العامية العراقية عندما تثور براكين الشوق في داخلي ولا اجدك سأحرق عالمي فلعلي اراك في احلامي
