براكين الشوق

«١٠»

#ينبوع_الحنان١٠
لا سلام بين دولتينا
فكيف سيحل السلام بيننا
نعم هذا قدرنا
انا اعيش فقط لأحبك
عقيدتي ليست كعقيدتك
ولكني لن اتخلى عنك
فأنت كل شيء بالنسبه لي

باوعتلي امي بحزم وغضب عبالك اني جايبها وجاي.

منال  : ابني طول عمرنا نمشي ونعيش ونشتغل بشرف بس لا غلطان وي هذي المامستورة.  و جايبها بيتي صخام الصخمج يا منال..

نبصت ام المآسي بوجه امي وهي تبتسم

: خالة لا تبجين حسب العادات مالتكم اني و خبيبي علاوي.  شردنا نهبت ابنج و هسة لازم نزوج... حتى سمعتكم تنستر.. و سمعة ابوي هم ما تنفضح اني ما تجاوزت حدود اني نفذت حسب العادات مالتكم.. 
و طبقت عادة النهيبه اني سائلة مرت ابوي قبل لا اتورط بأي خطوة وي ابنج  ..

عصبت امي و طلع حركتها بيه

: عليوي هاي طبقت عادة النهيبه شنو يمة من يمتى النهيبة عادة و نتخذها ونطبقها من يمتى علاوي فهمني تعرف شنو تنهب بنيه
هاي مو عادة هاي هجمان بيوت و ياما روس وكعت وعگال زلم وكع بطين. ووجوه تصخم.

سولاف : نووووو اني النهبته بس هاي العادة عدكم حبيتها.. لأن ازوج خبيبي علاوي.

صحت واني ادفعها

: انت سكتي لا تحجين  زايد.  بلوة طحتي علية .  يمة ماكو شي شتدرين بية انهب اعراض الوادم هي فد  وحدة. ادب سز....؟

سكتت شكول لأمي وافهمها

امي لزمتني من ايدي حيل

: وحدة ولا ثنين كول شنو كاسر بت الوادم وهاي التكلب ال حاء خاء منين جبتها.. لو ما ادري بدروب روز جا كلت سويتلك مكيدة على مرتك تطلكها وجيب هاي ام شمخي..

خليت ايدي على صدغ راسي واني افرك بيه مصدع و حلكي ميبس من الموقف كله..

: يمة سمعيني اترجاج و الله مكيدة وكعت بيها وهاي تصير.. بنت صديق عمي رضا الدكتور جليل الجراح« بنته من وحدة يهودية»  و لازكتلي من زمان. لا عندي بيها علاقة ولا مثل ما تدعي كذابه هاي...

ظلت سولاف تحجي ولا بالها حجينا

: علاوي خبيبي احلى شغلة سويتها بحياتي نهبتك.. عادة النهيبه كلش مفيدة لعد ليش العشاق  يفترقون  كل واحد ينهب حبيبه  و يتزوجه..

امي صارت صفرة وهي تكلي

: تكول نهبتك شنو ما فهمت... ولك شتحجي هاي الخراب...  ابني هاي مصيبة كلت بت صاحب عمك و الله حظي مصخم ليش اكو شي بيه سيرة رضا ما وراه مصيبة شكول عليك رضا