براكين الشوق

«٥»

.#♡براكين_♡الشوق_♡ الحلقة ٥
(دمج حلقتين  )

ساكت مستحي مغزر بعيني الماي
ماغزر بعينك تاكل وتشرب.
گمت تعزف عليه بسيف ما مبرود
واسمع صوت نحري يگلك تگرب

گصب ديوان اخوتي... وماصرت ناي
تعبتلهم سنين وزلو وياي
صرت سلعه بأديهم والوكت سوگ
واخوتي  الكل تبيع وماكو شراي
تعبتلهم تعب شجرة بطن صيف
طكتهم شمس والتمو حذاي
كلو وارتاحو وانه اشبعت ضيم
اتحمل حرگ وانطيهم افياي
طلبو مره ماي انطيتهم عين
شربو مايها وبزو علي ماي

💔علي
ـــــــــــــــــــــــــــــــــــ

♡سولاف....

وكفت اباوعله مبتسمه احسه حلم صعب الوصول اله..

:   شلونك علي... شبيك هيج مفزوز...مخترع مو شبح اني مرح...

رد بتوتر : مرح.  لو سولاف مو كلتي سولاف اسمج وابوج مرة صاحج سولاف

: المقربون من الاصدقاء يصيحوني مرح ما احب اسم سولاف.   لأن ابوية سماني ياه.

كام و لزمني من زندي و  دفعني

: شلون دخلتي المعرض ولج الساعة متأخرة انت ما عندج اهل تتابعج

ضحكت. 

: علي انت ما تنطيني مجال ننفرد نسولف اني معجبة بيك احبك واريدك حبيب الي..

رد مصدوم : ما فهمت يا بنت الناس شتردين مني لا تبليني الله يخليج تعاي افتحلج الباب روحي لأهلج.

: تعرف ابوية منو جليل الجراح.   عنده انتماء سياسي  

♡علي

باوعتلها : اسف ما حصلي الشرف.. بجانبه السياسي ولا يهمني هو شنو.. بس اعرف هو..

سكتت محجيت انو ادري بيه صاحب عمي.. 
طلع ابوها احد حرامية البلد.. واحد من ذول اعضاء،البرلمانين او تابع لحزب اله مكانة بالدولة...

هسة شتريد مني.  شلون دخلت..

: انت شلون دخلتي للمعرض ما شفتج.

ضحكت...

: انت مدير معرض و حارس فاشل.  

رحت شغلت الكامرات و رجعتهن ادورها ماكو.  

رفعت عيوني السود الها

: يعني؟!

رجعت لكامرات الغرف المعروضه شفت مبوشاية  يم كنتور     فتحته دخلت بيه وقفت  الكام على هاي اللقطة...

اشرت على المبوشاية

: هاي انت؟!
رجعت شغلتها شلون طلعت من الكنتور ذابة الجبة والبوشاية وبملابسها  الي تذكرني بالايمو..

رجعت ارجع الدقائق و حولت لكام المخرج
ضربت بصبعي على بلازما مقطع وقفت الكام

اشررت : يا بنت ابليس...