براكين الشوق

47

بارت امس + بارت تعويض لأن منزلت امس  يعني بارتين دمج..

#براكين_الشوق47
الحب الأوحد

بقلم
نـޢޢۅرـ  بـصـ≋ـرـريّےـ

قبل كولشي،شخصية رضا تدرجت من شبابة ولاحظتم باخر فترة لسانه والغلط وهاي شخصيته مكدر احورها هو ميفشر بس يغلط الفشاير اشفره بس،الغلط بقيته لأن مداخل بالاحداث لذا عذرا...

ــــــــــــــــــــــــ
جا يمتى ليل جفاك يجفيني،شره
كمت النفس بحبال للرية اجره

تسوى الاجة و الجاي والبعدة ما جاي
اهلا وسهلا بيك يالــــ مفرفح جلاي..

ـــــــــــــــــــــــــــــــــــ

رجعت لورى بحذر من شفت مد اصبعه بوجهي و عيونه عزاااا بياضهن خبط احمر عبالك واكع بيهن شي و حومرن
و عرج ينبض بصدغ راسه.. 
حتى شواربه ترجف...

بخوف كلت :  هاي شبيك..؟

:  من الأخير رايدج..

همست من بين سنوني
: ما اظن اني نصيبك...و لا اكون..

كز على سنونه و هو يهمس يم اذني
: ظني...زائد  الأفضل تكوني.!

حجاها وهز اصبعه بوجهي مرة ثانية بتهديد..  وراح
طلع و سمعت شخط السيارة

اجت ام داود

:  شكلج مسمعته..   رغم مبين عصبي بس يحجي، شو بصوت ناصي تحجون

:  ام داود ماكو شي يحتاج تنقلي لبابا واحد اقارب و تعاركت  وياه وانتهى

عفتها ودخلت واني، فايرة غضب

والنبي ما لحكت اصعد لغرفتي لكيت نقالي يدك..

:  هذا بابا اكيد وصلة تعاركت شكول على ام داود..

بلعت ريكي و فتحت خط مستعدة لغضب بابا وتغريداته

:  بنت ست طعش كلب خطار ببيتج طاردتهم.

وسعت عيني اني؟

:  بابا ما طردت احد.
: شلون مو المرة وابنها طلعوا زعلانين اكيد انت مسمعتهم شي بنتي اذا خواتج اسيا وهاجر اذنج بروحتج الهن انت الافضل لازم تبرزين كرم ضيافة و ما سويها وحدة بوحدة

مع الاسف عبالي ام هلا انت..  لو ادري يجينا خطار  ما سافرت. واستقبلهم اني احسن... بس عبالي انت ام هلا و مكاني..

:  بابا انت ما فاهم هاي ام داود كلتلك؟  ما تبطل نقل كولشي الك دتحسسوني اني داخل الموساد الاسرائيلي كد ما يجسسون و يدزولك و الله عيب كبرت اني وفاهمة شكو هيج تراقب بية لو لأن امي رقاصة مو؟  هذا العار الي جني ما راح اخلص منه..

:  لج منو جاب سيرة مصخمتج بنت القندرة. انعل ابوج لابو امج. احجي  عدل  جني مخربج بالدلال اسمعي لج اني احجي على حسن ضيافة و اما ام داود اكيد تبلغني شيصير ببيتي لأن شيصير حينكال بيت رضا فاهمة..
مسحت دموعي وهو يرزل سكتت عنه ادري من يعصب لسانه كولش يغلط..