براكين الشوق

٦٩

السلام عليكم
دفع الله ما كان اعظم..  شكرا للي نشر والي اندعالنا و الي تحمد لنا بالسلامة شكرا الكم جميعا..

نكمل ما تبقى من براكين راح اركز بس ع شخصيات الي دورها مهم بالحدث
و باقي الشخصيات  ننطي لمحات عنهم تماشيا للرواية
حتى مطول اكثر اذا اركز بكل بارت لكل شخص مشاهد ما كدرت اطرح السبب والمسبب ببارت اليوم
لذا خصصت البارت اغلبة لرضا حتى تعرفون ليش منال اخر ايامها جانت منهارة نفسيا...
و شبيه رضا....

وقت ممتع اعزائي...

#براكين_الشوق ٦٩
«بين الطيف و الواقع.»

"احسنوا لمن تحبوا فأن الشوق بعد الموت لا يطاق.. "

#تعليق متابعة بالبيج عجبني..

رضا...
الحاح انمار وعباس  ... 

خاصة احسهم ميردوني ارجع...
و حتى ابو احمد يتصل يطمني و بضحكة يكولي خواف طلعت ردت ارجعك و هيج حجيت لا تخاف صير زين و ترجع و الله كريم

ما مطمن خلوني مرة اكول اكو شي مرة اكول لا  ماكو شي...
بس غافلتهم و اني عازم الرجوع من زمان عطلتي بدت..

اول ما وكفت  حسيت بدوخة.. 

اخذت كل اغراضي وطلعت..

  المفروض بالعراق و نتفاهم اني ومنال..

واذا اصرت متسامحني وتريد طلاق هاي المرة ما اكدر امنعها..

وصلت لمراحل متعبة مو ذاك اليتحمل..  و كان ظني من نزوج   تسعدني واسعدها

اسلوبها زهكني منها..  بس لازم احاول محاولة اخيرة احبها ما اريد نخسر بعض بسبب اخطائها و اخطائي...

شبقى بالعمر نكضيه زعلات و غيرها المفروض هسة  وين ما اروح وياي..

رحلة سفر طويلة متعبه وتوقفنا باحد البلدان للصيانة و تعبئة الطيارة..

الالم براسي كولش قوي
بس لازم اول اعرف شنو مرضها
ابو احمد ما وضحلي كولشي بس كال مرتك موزينه ارجع..

زين اعاتب خاف    متتحمل مني اي عتاب او تبرير.. و خاف ما تريد تشوفني

شسوي يارب لازم احل الموضوع واجيبها وياي اعالجها..  هي دوم تشكي من صدرها
خاف مرض خبيث...
لا لا فال الله ولا فالي بيش طالبها شابة بعدها وشافت بحياتها...

زين من اشوفها هيج و اخذها بحضني واشم بعطرها..

هيج و نتعاتب زين شعاتبها شكوللها..

منال انت السبب  بالصار هاي متقتنع كل تفكيرها يا اسود يا ابيض متكول صوجي
متنطي بروحها.. 
اعرف غلطت اني بس لو هي جانت الي نسمة و بحبها غركتني هم هيج نوصل؟  لا ابد..
كلنا غلطنا اي هيج احاجيها...