براكين الشوق

الجزأ الثاني 14

#براكين_الشوق١٤
البدوية و المجنون..
لا تنسون النجمة..  و تعليق ع فقرات ترفع القصة وشكرا مقدما

بشائر...

كعدت الصبح..  صايرة هواي اتأخر بنومي بالليل و اكعد متأخره.

التزوج رضا يخرب نظام نومها.

امس مكدرت انام الليل كله يطكطك.. على السطح.. مدري شيسوي...
ثاويت و كلت
: فشلة من ابو الفضل ذول متعودين من غبشة كعدتهم  كون زهراء مريكته خطية.

لملمت شعري و خليت القراصة وكمت اترادم مشبعانة نوم.  .

اياس نايم بعدة.. الوقت حيصير بالتسعة ونص..

غطيت ابني زين و اني احس صفحتي توجعني كولش ما اعرف من الحمل لو لان ما اشرب مي هواي...

من حبلت لسة صايرة تلعب روحي من المي فما اكثر حدي ابلل ريجي و اعوض سوائل بالحليب او عصير...

رحت غرفة رضا ملكيته وتعجبت الفراش مرتي ما خبث وعفس البطانية بالكاع.

ملابسة اللابسهن امس مسفطهن علجرباية..

و باب الكنتور مفتوح.  و الملابس البيه شبه فارغات  تعجبت...

فتحت البيبان..  ماكو..

رحت للمطبخ ماكو..  رحت للسطح لكيت سرير   هزاز. ينوم لحد عمر خمسة..

ورسالة بنص السرير اخذتها بيد ترجف...

مخليها بظرف معطر... الله يستر منك رضا شضاملي

قريت محتواها نزلت دموعي...

جان محتواها يعتذر لان سافر دون وداع ميحب هيج مواقف. 
و يكول نفسيتي مو مال ابقى لأن كافي الدمار السويتة الكم..  و منطيني هم
اختيار اذا ارغب بالطلاق يوكل محامي عن طريقة يتم طلاق محكمة اما السيد يسأل اذا بمكالمة فيديو ممكن هيج طلاق لو بيه اشكال..

او تردين تبقين بذمتي بس موعدج بوعود..
خاصة حاليا وضعي مخربط فرضتم علي زواج ممستعد اله

هواي حجي و ختمه في حال تبقين بذمتي دربالج على اياس وريان....

وهذا السرير لريان شغل ايدي من قبل لا افتح قبر محبوبتي جنت اشتغله و امس سهرت  حتى اكمله... قبل الرحيل

اسف لان ظنيت بيج ظنون.  واسف لان في يوم ما جرحت مشاعرج.. و تلاعبت بيها..

تلكين بجرار غرفتي كلادتج البعتيها لأجل منال استعاديتها ونصيحة تحتفظي بيها  كهدية مني  و صغت  الج محبس و سوار نفس نقشة وموديل الكلادة اعتبريهم هدية للذكرى..

في حال قررتي طلاق... اوفرلج نفقة شهرية و بيت لتعتبرية منه او اي شي اعتبريه  بيت لحضانة اطفالي.. و اياس ابقيه يمج امانه...
اذا قرارج طلاق ارسلي  الي عن طريق ابو الفضل الوحيد حيعرف مكاني..