براكين الشوق

19

صغيرة جنت وانته زغيرون
حب عرفنا بنضرات العيون
كالوا ترى ذول يحبون
من الزغر لمن يكبرون
عالجرف كعدنا ليالي

ذاك النهر والنخل عالي

تغيرنا كبرنا يا غالي
ظل النهر و النخل عالي

ــــــــــــــــــــــــــــــــــــــــ

توفت زوجة خالي الزغيره و تركت منال بنت يتيمة الأم.
يمكن هذا الي خلا خالي جياد يتعلق بمنال..
يعني رغم هي بزر نفاس يكولون بالفاتحة و بجادر الزلم لافها ملحف و بحضنه..

من هاي اللحظة كالوا منال شيخها و دللها ابوها على الكل...

مرت سنين..... قبل الحرب جنا نروح للبصرة وي امي.. الي هي طبعها قوي متسلط..

و ابوية واحد فقير طيب.. يعني مشى بشورها..

و صارت خالتي راجحة ام حسين ذكرى حتى نادرا ابوية يجيب طاريها.. خوفا لا تزعل فوزية امي..

اباوع لأمي وهي ترزم الجنط... العطلة المحبوبة الي هي ببيت خالي.

فضل : يمة حسين يجي ويانا..

: لا ابوك يحتاجه بالشغل..

فضل : يمة ابوية جمعنا وكللنا حسين اخوكم الجبير و تسمعون حجيه و يأمر و ينهي

باوعت امي الي و ضاجت ورجعت تحاجي فضل الي ازغر مني بسنه

: فضول.. رضا اخوك الجبير والشور اله رضا باجر هو خليفة ابوك و الكل بالكل..

درت وجهي من شفت حسين خلا وكام و طلع ركع الباب حيل..
( هنا حسين عمره ١٣
واني ٨ و فضل  ٧جمايل  ٥ هي اكبر من منال بسنه)

كمت : حسين افتخر بيه اخوية الجبير

لزمتني : تعال واسمع.. اخوك هذا واحد خارم مبيه خير.. يعني باجر يضيع ويضيعكم و ما اريد تتعمق علاقتكم بيه

تركتها رحت لحسين بس شافني مسح دموعه

: ليش تبجي

حسين : ماكو شي روح من يمي.  عندي شغل..

: اني هم راح اشتغل.  امي تكول مثل ما حسين يشتغل وي ابوك  انت ما اريدك بتجارة ما وراها نفع انت اريدك صايغ مثل عمك ابو شكرية..

حسين : بالخير هي خالتي   تفكر بعيد...
هة

ظليت كاعد يم حسين اليطلع من جيوبة فلوس

: مصرف الك و للبقيه. اليوم ابوية انطاني اجرتي

اخذت المصرف و تشكرت منه ورحت اشتري